06 mai 2022
Nunatta Eqqartuussisuuneqarfia
Kannguttaatsuliorneq - K 180/21
Angut 76-nik ukiulik eqqartuunneqarpoq ulluni 30-ni Pineqaatissinneqarsimasunut Inissiisarfimmiittussanngortinneqarluni, niviarsiaraq kannguttatsissimallugu, iviangiatigut nuluatigullu attuualaarsimallugu, taamaaleriarluni unnerluutigineqartoq oqarsimalluni, oqqani anillatsissagaa kuneqqullunilu.
Eqqartuussissut Nunatta Eqqartuussisuuneqarfianit oqaatigineqarpoq ulloq 25. august 2021.
Nunatta eqqartuussisuuneqarfia isumaqarpoq niviarsiaraq sukumiisumik uppernartumillu nassuiaateqarsimasoq.
Nassuiaanera ukiuinut naleqquppoq aamma misigissutsinik kiinnamigut takutitsinermigut taamatullu aamma timimigut.
Eqqartuussisoqarfiup uppernarsaasiinermi eqqartuussisoqarfiup inerniliissutaa atuuttussanngortippaa, taamaalilluni unnerluutigineqartoq pisuutinneqarpoq unnerluutigineqaatiminut, tak. pinerluttulerinermi inatsimmi § 84.
Suliap pissusia peqqarniissusialu tassunga ilanngullugu niviarsiaqqap ukiui, nunatta eqqartuussisuuneqarfia isumaqarpoq eqqartuussisoqarfiup sivisussusiliilluni pineqaatissiissutaa naapertuuttuusoq.
Suliap pissusia aamma peqqarniissusia tassunga ilanngullugu niviarsiaqqap ukiui aammattaaq nunatta eqqartuussisuuneqarfia isumaqarpoq eqqartuussisoqarfiup ajunngitsorsiassamik aalajangiinera naapertuuttuusoq, tak. taarsiissuteqarnissamut akisussaassuseqarnermik inatsimmi § 26.
Eqqartuussisoqarfiup eqqartuussutaa atuuttussanngortinneqarpoq.
Suliap normua: K 180/21
Eqqartuussissutit nassuiaatillu