Eqqartuussiviit pillugit

Pinerluttulerinermik suliat eqqartuussisoqarfimmi suliarineqartarput pinerluuteqartoqarsimappat, aamma unnerluussisussaatitaasut isumaqarpata uppernarsaasiissutissaqarlutik pinerluuteqartup kinaaneranik. Pinerluttulerinermik suliat aallartinneqartarput inunnut pinerluuteqarsimasutut pasisanut. Pinerluttulerinermik suliat tamarmik politiinit misissueqqissaarnermik suliaqarnermik aallarnerneqartarput.

Politiit isumaqarpata inummut imaluunniit inunnut uppernarsaasiissutissat naammattut, taakku suliami pasineqalertarput. Tamatuma kingornatigut unnerluussisussaatitaasunit suliaq eqqartuussisoqarfimmut nassiunneqartarluni.

Pinerluttulerinermik suliat annertunerusumik uani atuarsinnaavutit

Ilaqutariinnermi aamma avinnermi suliat pingaarnertut eqqartuussisoqarfinni aallartinneqartarput:

• Suliat aappariinnermut tunngasut
• Suliat angajoqqaatut oqartussaassuseqarnermut tunngasut
• Suliat najuisarnermut tunngasut
• Suliat nammineersinnaassusiiagaanermut tunngasut

Ilaqutariinnermut suliat tunngasut suulluunniit annertunerusumik uani atuarsinnaavatit

Meeqqamut akilersuutit tamanut tunngasut:

Angajoqqaat meeqqamik pilersornissaat pillugu pisussaaffeqarput. Angajoqqaajusup meeqqap pilersornissaanut pisussaaffini naammassinngippagu taassuma meeqqamut akilersuutinik akiliisalernissaa angajoqqaaqataasup qinnuteqaatigisinnaavaa. Meeqqap 18-inik ukioqalernera tikillugu taamaallaat akilersuisarneq nalinginnaasuuvoq.

Tassa tunngaviatigut angajoqqaap meeqqamik najugaqartitsisup – imaluunniit najugaqartitsinerusartup - angajoqqaaqataasup meeqqamut akilersuummik akiliisalernissaa qinnuteqaatigisinnaavaa.

Kalaallit Nunaanni akilersuisarnermut suliassaqarfik tamaat ulloq 1. april 2024 Naalagaaffiup Sinniisoqarfiata tigussavaa.

Tamaanna isumaqarpoq, Naalagaaffiup Sinniisoqarfiata, siunissami akilersuutinut tunngasut suliat nutaat tamaasa, oqartussaaffittut kisiartaalluni tigusalissagai. Maluginiaqquneqarpoq najukkami eqqartuussivinni suliat ingerlasooreersut tamarmik, najukkami eqqartuussivinnit naammassineqassapput.

Sukumiinerusumik paasissutissat uani atuarsinnaavatit: https://kalaallisut.rigsombudsmanden.gl/suliassaqarfiit/ilaqutariit-inatsiseqartitaanerannut-tunngasut/meeqqanut-akilersuutit/

Aapparisamut akilersuutit allanngornissaat:

Akilersuutit allanngornissaat qinnuteqaatigineqassappat, taava akilersuutinut tunngatillugu aalajangiinermik suliarinniffiusoq attavigineqassaaq - Naalagaaffiup Sinniisoqarfia imaluunniit Najukkami Eqqartuussivik. Akilersuutit annertussusissaat aamma nammineerluni isumaqatigiissutigineqarsinnaapput.

Akilersuutissat annertussusissaat Najukkami Eqqartuussivimmi aalajangerneqarsimappata allanngortikkumagaannilu, taava Najukkami Eqqartuussivimmut saaffiginnissutigineqassapput.

Akilersuutit Naalagaaffiup Sinniisoqarfiani aalajangersarneqarsimappata, Naalagaaffiup Sinniisoqarfianut allannguiniarluni qinnuteqarnermut immersugassaq apuunneqassaaq. Immersugassaq Naaalagaaffiup Sinniisoqarfiata nittartagaani nassaarineqarsinnaavoq. Immersugassaq aamma Naalagaafiup Sinniisoqarfianut aaneqarsinnaavoq - Nuup avataaniikkaanni illoqarfinni politeeqarfinnut aaneqarsinnaavoq.

Malugiuk: Naalagaaffiup Sinniisoqarfia aqqutigalugu averusersimagaanni imaluunniit avissimagaanni, isumaqatigiissutigineqarsimappallu Naalagaaffiup Sinniisoqarfiata akilersuutissatut isumaqatigiissutit allanngortissinnaassanngikkai, taava taamaallaat Najukkami Eqqartuussivik aqqutigalugu allannguisoqarsinnaavoq.

Sukumiinerusumik paasissutissat uani atuarsinnaavatit: https://kalaallisut.rigsombudsmanden.gl/suliassaqarfiit/ilaqutariit-inatsiseqartitaanerannut-tunngasut/aapparisamut-akilersuutit/

Qanoq iliussaanga?

Immersugassat ilitsersuutillu ammakkit

Qanigisappit ilaat toqukkut qimagussimappat, eqqartuussisoqarfiup isumagissavaa kingornussassat agguaanneqarnissaat.

Toqukkut qimaguttup pigisaanik suliat annerusumik uani atuarsinnaavatit

Qanoq iliussaanga?

Immersugassat ilitsersuutillu ammakkit

Uppernarsarsinnaagukku arlaannik akiitsoqarfigineqarlutit, eqqartuussuummik naammassisitsiniaanermi eqqartuussivik noqqaavigisinnaavat aningaasanik akiliisitsiniaaqqullugu.

Eqqartuussuummik naammassisitsiniaanermi suliat eqqartuussisoqarfimmit suliarineqartarput.

Eqqartuussuummik naammassisitsiniaanermi suliat annerusumik uani atuarsinnaavatit

Qanoq iliussaanga?

Immersugassat ilitsersuutillu ammakkit