Pasillerneqalissagaluaruit

Politiit suliami pasillilissagaluarpatsit, ilisimatinneqassaatit suliami pasineqarlutit. Kingusinnerusukkut eqqartuussivimmut aggersarneqaruit, suliami unnerluutigisaassaatit. Pinerluttulerinermi suliami unnerluutigineqaruit, taava pisinnaatitaavutit nammineerlutit illersuiussamik pissarsinngikkuit illersuisulerneqarsinnaavutit. Politiit ilitsersuisussaapput illersuisussatut toqqaarneqarsinnaasunik periarfissannik.

Politiinit killisiorneqarneqassagaluaruit najuuttussamik illersuisoqarsinnaatitaavutit.

Illersuisoq Kalaallit Nunaanni Eqqartuussivimmi illersuisussatut ilinniarsimasuussaaq imaluunniit eqqartuussissuserisuusinnaavoq.

Pasisatut pasilliutaasoq aamma paasiniaaneq politiit ingerlataat pillugu ilisimatinneqassaatit. Politiit aperippatsit, allatulli pasisatut taamaallaat pisussaaffigivat oqaatigissallugit atit, ulloq inunngorfiit najukkallu.

Pasisatut/unnerluutigisatut pinngitsoornak pisussaaffigivat eqqartuussivimmut piffissami aggeqqusissummi allassimasumi naapigunnissat. Pissutissaqanngitsumik najuutinngitsuussagaluaruit, tigusarineqassaatit eqqartuussisunullu sassartinneqassallutit nalunaaquttap akunneri 24-t qaangiutsinnagit.

Eqqartuunneqaruit, periarfissaqarputit eqqartuussut nunap eqqartuussisuuneqarfianut suliareqqitassanngortissinnaallugu. Tassani illersuisut inatsisilerituujussaaq.

Tigummigallagaasimaguit kingusinnerusukkullu pinngitsuutinneqarlutit, taava periarfissaqarputit taarsiiffigineqarnissannut qinnuteqarnissamut. Illersuisuit tamatumannga ikiussavaatit.

Illersuisut akuerisaasut

Eqqartuussissuserisut inatsisitigut ikiorsiisinnaatitaasut

Eqqartuussumik maalaaruteqarneq