28 febr 2024
Nunatta Eqqartuussisuuneqarfia
Ulluni 60-ni inissiisarfimmiittussanngortitaaneq - K 099/23
Angut 42-nik ukiulik qaammatini pingasuni pineqaatissinneqarsimasunut inissiisarfimmiittussanngortinneqarnermik eqqartuunneqarpoq. Arnamik issiavimmit nusutsisimasutut, iikkamut naqitsisimasutut, nujaartuisimasutut natermullu pisitsisimasutut, kiisalu kiinnakkut annersitsisimasutut.
Eqqartuussissut Nunatta Eqqartuussisuuneqarfianit oqaatigineqarpoq ulloq 28. februar 2024
Unnerluutigineqartoq eqqartuussisoqarfimmi ulloq 5. juuni 2020 arnamik issiavimmit nusutsisimasutut, iikkamut naqitsisimasutut, nujaartuisimasutut natermullu pisitsisimasutut, tamatumanilu tallimanit ikinnerunngitsunik kiinnakkut annersitsisimasutut, eqqartuunneqarpoq. Arnaq aqqunarpoq pullannikkut tilluusarnikkullu, aamma nutsanik eqimasunik arlalinnik annaasaqarsimavoq.
Nunatta eqqartuussisuuneqarfiata pineqaatissiissut ulluni 60-ini inissiisarfimmiittussanngortitsinermut aalajangersarpaa. Nunatta eqqartuussisuuneqarfiata tunngavigivaa nakuusernerup, sakkukinnerpaamut ilaananilu peqqarniinnerpaamut ilaanngitsup, pineqarnera. Piffissap suliamik suliarinninnermut atorneqartup sivisuneranut pingaarnertut pissutaavoq piffissap ilarujussuani politiit unnerluutigineqartumut attaveqarsinnaasimannginnerat, kisianni Nunatta Eqqartuussisuuneqarfiata sakkukillisaatitut isigaa piffissap suliamik suliarinninnermut atorneqartup annikinnersaa politiini eqqartuussivinnilu pissutsinik pissuteqarsimanera.
Unne´rluutigineqartoq ulluni 60-ini inissiisarfimmiittussanngorlugu eqqartuunneqarpoq.
Suliap normua: K 099/23
Eqqartuussissutit nassuiaatillu (kingusinnerusukkut ikkutissapput)