29 mar 2022
Nunatta Eqqartuussisuuneqarfia
Kanngutsaattuliorfiginninnermi pinngitsuutitaaneq - K 114/21
Angut 64-nik ukiulik pisuutinneqarpoq arnamik atisaata silataasigut attualaarinnikkami. Eqqartuunneqarpoq utaqqisitassanngortitamik inissiisarfimmut ulluni 20-ni, aammalu arnamut akilissavai 5.000 koruunit. Unnerluutigineqartoq piumasaqaateqarpoq pinngitsuutinneqarnissamik.
Eqqartuussissut Nunatta Eqqartuussisuuneqarfianit oqaatigineqarpoq ulloq 1. juni 2021.
Ilisimannittut nassuiaareernerisigut nunatta eqqartuussisuuneqarfiata tunngavigivaa unnerluutigineqartup arnaq pineqartoq sivikitsumik attualaarsimagaa pisimasumi allaaserineqartumi.
Eqqartuussisooqataasulli marluk taasipput pisimasumi unnerluutigineqartup arnaq malillugu imminut iliuuserisimasaani, imatut peqqarniissuseqanngitsoq pinerluttulerinermi inatsimmi § 84-mut ilaatinneqarsinnaalluni, taasippullu unnerluutigineqartoq pinngitsuutillugu.
Taasiisoq ataaseq isumaqarpoq pisimasoq pinerluttulerinermi inatsimmut ilaatinneqartoq, taasissutigalugulu unnerluutigineqartoq pisuutillugu eqqartuussisoqarfiup annertussusiliinera assigalugu.
Amerlanerussuteqartut isumaat malillugu eqqartuussut oqaatigineqarpoq, taamaalilluni unnerluutigineqartoq pinngitsuutinneqarluni.
Eqqartuussisoqarfiup eqqartuussutaa allanngortinneqarpoq imaalillugu, unnerluutigineqartoq pinngitsuutinneqarpoq.
Suliap normua: K 114/21