Qaammatini pingasuni inissiisarfimmiittussanngortinneqassaaq - K 166/23

Eqqartuussissut Nunatta Eqqartuussisuuneqarfianit oqaatigineqarpoq ulloq 9. september 2024

Unnerluutigineqartoq Eqqartuussisoqarfik Sermersuup ulloq 24. apriili 2023 eqqartuussutaani pisimasuni tamani pisuutinneqarpoq, pisimasumili 9-mi tulliuttutut unnerluussissummi pisuutinneqarluni. Unnerluutigineqartoq taamaalilluni piffissami ullormit 9. oktobari 2019-imiit ullormut 1. septembari 2020-mut pisimasuni pingasuni pigisanik aseruisimasutut, pisimasuni pingasuni nakuusersimasutut ilaatigullu nakuuseriarsimasutut, pisimasuni marlunni tillinniarsimasutut, pisimasuni marlunni hashimik nammineq atugassaminik pigisaqarsimasutut pisimasumilu ataatsimi angerlarsimaffimmi eqqissiviilliortitsisimasutut pisuutinneqarsimavoq. Pineqaatissiissutitut eqqartuussutip uuttorneqarnera kisiat eqqarsaatigalugu eqqartuussut suliareqqitassanngortinneqarpoq. 

Pillaatip qaammatini pingasuni inissiisarfimmiittussanngortitsinermik aalajangersarneqarsinnaanera naleqqussorineqarpoq. Nunatta eqqartuussisuuneqarfiata taamaa-lilluni sakkukillisaataasutut tunngavigivaa paasissutissiissutigineqartut malillugit unnerluutigineqartup pisuussutiginngisaanik piffissap suliamik suliarinninnermut atorneqartup sivisunera. Nunatta eqqartuussisuuneqarfiata – eqqartuussisoqarfiup pisimaneratut – sakkortusaataasutut tunngavigivaa unnerluutigineqartoq pingasoriarluni peqqusaarneqarani nakuusersimasoq aamma pisimasuni tamani pisuutinneqarsimasoq. Nunatta eqqartuussisuuneqarfiata tamatuma saniatigut nakuusernerup qanoq ittuussusia, aqqunarnernik annikigisassaanngitsunik kinguneqartoq, tunngavigivaa, aamma tunngavigivaa unnerluutigineqartoq siusinnerusukkut assingusumik pinerluuteqarneq pillugu pillarneqarsimasoq. 

Unnerluutigineqartoq qaammatini pingasuni inissiisarfimmiittussanngortinneqassaaq.

Suliap normua: K 166/23

Eqqartuussissutit nassuiaatillu (kimgusinnerusukkut ikkunneqassapput)