Eqqartuussinermiit ukiunut pingasunut aalajangersarneqarpoq - K 155/24

Eqqartuussissut Nunatta Eqqartuussisuuneqarfianit oqaatigineqarpoq ulloq 4. september 2024

Unnerluussisussaatitaasut illersuisullu assigiimmik piumasaqarnerat malillugu nunatta eqqartuussisuuneqarfiata utaqqisitamik inissiisarfimmiittussanngortitsilluni eqqartuussissutitut uuttorneqartoq naleqquttumik aalajangersarneqarsimasoraa.

Unnerluutigineqartoq aappassaanik aalakoorluni biilersimasutut pisuutinneqarpoq promillialu minnerpaamik tassaalluni 1,76. Tamanna pillugu akiliisitsissutitut pillaat aallaaviusumik tassaasarpoq sapaatit-akunnerini sisamani akissarsiat. Piffissap suliamik suliarinninnermut atorneqartup sivisunera, unnerluutigineqartup pisuussutiginngisaa, eqqarsaatigalugu nunatta eqqartuussisuuneqarfia isumaqarpoq pillaatitut akiliisitsineq pisuuffigineqartoq najoqqutassianut Eqqartuussiviit Qullersaata ilaatigut TfK 2012.675-mi eqqartuussutaani allassimasuni aalajangersarneqartunut naapertuuttumik atorunnaarsinneqassasoq.

Aalakoorluni biilerneq eqqartuussissutigineqartoq aallaaviusumik utaqqisitaanngitsumik ukiuni pingasuni ingerlatsisinnaanermut allagartamik arsaarinninnermik kinguneqartarpoq. Eqqartuussiviup tunngavissaqarsorinngilaa aallaaviusup tamatuma avaqqunnissaanut, aamma piffissaq suliamik suliarinninnermut atorneqartoq eqqaaneqartut sivisugaluartoq, tamatumanilu eqqarsaatigineqarpoq tunuliaqutitut innimigineqartoq, tassa angallannermut inatsimmi ingerlatsisinnaanermut allagartamik arsaarinninnissaq pillugu malittarisassanik tunngavissiisoq. 

Eqqartuussisoqarfiup eqqartuussutaa aalajangersarneqarpoq, allannguutitulli pillaatitut akiliisitaanissaq pisuuffigineqartoq atorunnaarsinneqarpoq, aamma piffissaq arsaarinniffiusoq inaarutaasumik eqqartuussinermiit ukiunut pingasunut aalajangersarneqarpoq.

Suliap normua: K 155/24

Eqqartuussissutit nassuiaatillu (kingusinnerukkut ikkukkumaarput)