Kannguttaatsuliorneq - K 036/24

Eqqartuussissut Nunatta Eqqartuussisuuneqarfianit oqaatigineqarpoq ulloq 12. september 2024

Unnerluutigineqartoq pinngitsuunerarpoq. Ilaatigut nassuiaavoq eqqarsaatiginagu pineqartoq nuliatigut attorsimallugu, aamma taamaaliorsimanini ilisarisinnaanngilaa, kisianni pineqartup pinnguarnermut atatillugu sakissamigut mulimigulluunniiit attortarpaani. Qinngasaariniarluni taamaaliortarsimanngilaq.

Pineqartoq qularnaatsumik tutsuiginartumillu ilisimannittutut nassuiaateqarpoq, aamma unnerluussissummi piffissatut allassimasumi unnerluutigineqartumit mulikkut arlaleriarluni attorneqarsimavoq. Nassuiaat taanna qularnaatsumik ilisimannittup nassuiaataanit taperserneqarpoq, piffissatut pinerluffiusup kingorna pineqartup pissusilersortarnera allanngorpoq. Nunatta eqqartuussisuuneqarfiata uppernarsarneqarsoraa unnerluutigineqartup pineqartoq qulaani allassimasutut attuualaartarsimagaa. 

Pissutsit, tassunga ilanngullugu attuualaarinninnerit, attuualaarinninnerillu qanoq ittuussusiat eqqarsaatigalugit nunatta eqqartuussisuuneqarfiata uppernarsarneqarsorinngilaa attuualaarinerit pineqartumut kannguttaatsuliornertut oqaatigineqarsinnaasut, taamaattumik unnerluutigineqartoq pinngitsuutinneqarpoq.

Unnerluutigineqartoq pinngitsuutinneqarpoq.

Suliap normua: K 036/24

Eqqartuussissutit nassuiaatillu (kingusinnerusukkut ikunneqarumaarput)