Inissiisarfimmititussanngortitsineq utaqqisitanngortinneqarpoq - K 177/24

Eqqartuussissut Nunatta Eqqartuussisuuneqarfianit oqaatigineqarpoq ulloq 20. september 2024

Nunatta eqqartuussisuuneqarfianut uppernarsaatinik saqqummiussinerup kingorna tun-ngavissaqartinneqarpoq unnerluutigineqartoq marloriarluni kuffertimini atom-bombeqartuusaarluni oqartoq, mittarfiullu isumannaallisaaneq pillugu malittarisassiai pissutigalugit nassatanik usseraatitsineq saaffiginnittarfimmi pineqartumi matuneqarpoq politiillu aggersarneqarlutik.  Unnerluutigineqartup atombombeqarnerarnera nammineq allalluunniit inuunerannik, peqqissusiannik ilorrisimaarnerannilluunniit annertuumik ernumalersitsivoq, tak. pinerluttulerinermi inatsimmi § 98, imm. 1, tamatumalu kingunerisaanik politiit aggersarneqarput, unnerluutigineqartullu taama oqaaseqarnermini tamanna ilisimalluarsimassavaa. Tamanna tunngavigalugu unnerluutigineqartup unnerluussissummut naapertuuttumik pisuutinneqarnera isumaqatigineqarpoq.

Pillaat ulluni 14-ini inissiisarfimmiittussanngortitsinertut aalajangersarneqarpoq, tamannalu utaqqisitanngortinneqarpoq ukiumik ataatsimik piffissatut misiliutitalittut.

Unnerluutigineqartoq ulluni 14-ini inissiisarfimmiittussatut pineqaatissinneqarpoq. Inissiisarfimmititussanngortitsineq utaqqisitanngortinneqarpoq ukiumillu ataatsimik piffissatut misiliutitaqartinneqarluni.

Suliap normua: K 177/24

Eqqartuussissutit nassuiaatillu (kingusinnerusukkut ikkunneqassapput)