Pinngitsaaliilluni atoqatiginnissimasutut pisuutinneqarpoq - K 126/24

Eqqartuussissut Nunatta Eqqartuussisuuneqarfianit oqaatigineqarpoq ulloq 14. august 2024

Unnerluussissummi pisimasumi 5-imi uppernarsaatit, arnamik pinngitsaaliilluni atoqatiginninneq, pillugit suliareqqitassanngortitsineq kisimi pineqarpoq. Eqqartuussisoqarfiup pisimasumi tassani unnerluutigineqartoq unnerluussissut malillugu pisuutippaa, taamaallaalli uppernarsarneqanngilaq unnerluutigineqartup arnap aamma itikkut atoqatigisimagaa. Unnerluussisussaatitaasut piumasaqarput unnerluutigineqartoq tamanna pillugu aamma pisuutinneqassasoq, unnerluutigineqartorli piumasaqarpoq nammineq nassuiaatiminut, tassa arnamik sinittumik utsukkut atoqatiginninnerminut itermalli ingerlaannaq peernerminut, naapertuuttumik taamaallaat pisuutinneqassalluni. 

Nunatta eqqartuussisuuneqarfiata pisimasumi 5-imi eqqartuussisoqarfiup uppernarsaatinik naliliinera isumaqatigaa, marlutsigulli allannguilluni, tassa nunatta eqqartuussisuuneqarfiata uppernarsarneqarsoraa unnerluutigineqartup arnaq aamma itikkut atoqatigisimagaa, nunattali eqqartuussisuuneqarfiata uppernarsarneqarsorinngilaa unnerluutigineqartup savik arnamut atorsimagaa. Nunatta eqqartuussisuuneqarfiata siullertut eqqaaneqartumut tunngatillugu tunngavigivaa suliami dna-mik misissuinermi allassimammat arnap itiani anisooq unnerluutigineqartup dna-vanut naapertuuttoq. Kingullertut eqqaaneqartumut tunngatillugu nunatta eqqartuussisuuneqarfiata tunngavigivaa arnap nassuiaataani unnerluutigineqartup savimmik atuinera pillugu nalorninartoq, aamma savik arnap angutaataanit tunniunneqarniarsimagaluartoq politiinit isumannaarneqarsimanngimmat misissorneqarsimananiluunniit.

Pineqaatissiissut ataani allassimasutut aalajangersarneqarpoq. Nunatta eqqartuussisuuneqarfiata aalajangersaanermi pisimasumi 5-imi pisimasumilu 6-imi peqqarniissuseq tunngavigai, tamatumanilu unnerluutigineqartoq aamma itikkut atoqatiginninnikkut pinngitsaaliilluni atoqatiginnissimasutut pisuutinneqarpoq.

Eqqartuussisoqarfiup mittatilliineq pillugu arnamut taarsiissutissatut aalajangigai aalajangersarneqarput.

Unnerluutigineqartoq ukiuni marlunni qaammatinilu pingasuni inissiisarfimiittussatut eqqartuunneqarpoq. 

Eqqartuussisoqarfiup mittatilliineq pillugu arnamut taarsiissutissatut aalajangigai aalajangersarneqarput.

Suliap normua: K 126/24

Eqqartussissutit nassuiaatillu (kingusinneruskkut ikkunneqassapput)