Qaammatini pingasuni utaqqisitamik eqqartuunneqarpoq - K 076/24

Eqqartuussissut Nunatta Eqqartuussisuuneqarfianit oqaatigineqarpoq ulloq 6. august 2024

Nunatta eqqartuussisuuneqarfiata eqqartuussisoqarfiup pisimaneratut niviarsiaraq videukkut apersorneqarnermini tutsuiginartumik nassuiaasimasoraa. Nunatta eqqartuussisuuneqarfiata tunngavigivaa qularpasinnani, sukumiisumik, nammineq misigisimarpasitaminik ingasattajaanngitsumillu nassuiaasoq. Nunatta eqqartuussisuuneqarfiata taamaattumik suliamik naliliinermini niviarsiaqqap nassuiaataa tunngavi-givaa. Tamatumanilu oqaatigineqassaaq unnerluutigineqartup nassuiaataa ersarluppasimmat suliallu ingerlanerani allanngorpasissimalluni.

Taamaalilluni uppernarsarneqarpoq unnerluutigineqartup pisimasuni pingasuni niviarsiaqqap kinguaassiuutaata tamaqanngitsup ”qaavatigut” nuluisigullu tamaqanngitsutigut attuualaarsimagaa. Unnerluutigineqartoq tamanna tunngavigalugu pinerluttulerinermi inatsimmi § 77, imm. 2 malillugu kinguaassiuutitigut allatigut pinngitsaaliilluni atoqatiginninneq pillugu eqqartuunneqarsinnaanngilaq, kisianni pisuni pingasuni pinerluttulerinermi inatsimmi § 84, imm. 1, kannguttaatsuliorneq-mik unioqqutitsisimasutut pisuutinneqarpoq. 

Pineqaatissiissut suliap qanoq ittuussusia suliaqarfimmilu eqqartuussisaaseq malillugu ataani allassimasutut aalajangersarneqarpoq.

Niviarsiaqqamut mittatilliineq pillugu taarsiissutit 10.000 kr.-inut aalajangersarneqarput, tak. taarsiinermut akisussaaneq pillugu inatsimmi § 26, taamaalilluni tunngavigineqarpoq suliaqarfimmi eqqartuussisaaseq pisumillu ataatsimit amerlanerusuni kannguttaatsuliornerup pineqarnera. 

Unnerluutigineqartoq qaammatini pingasuni inissiisarfimmiittussanngorlugu utaqqisitamik eqqartuunneqarpoq. Ukiunik marlunnik piffissatut misiliutaasup kingorna pineqaatissiissummik naammassinninneq kinguartinneqassallunilu atorunnaarsinneqassaaq.

Suliap normua: K 076/24

Eqqartuussissutit nassuiaatillu (kingusinnerusukkut ikkunneqarumaarput)