08 aug 2024
Nunatta Eqqartuussisuuneqarfia
Eqqartuussisoqarfiup eqqartuussutaa aalajangersarneqarpoq - K 075/24
Angut 64-nik ukiulik Qeqqata eqqartuussivianit pinngitsuutinneqarpoq. Unnerluutigineqartup arnaq akuerineqarani sinittoq itiatigut atoqatigigamiuk. Arnap aalakoornini pissutigalugu pisup ingerlarnga eqqaamanngilaa.
Eqqartuussissut Nunatta Eqqartuussisuuneqarfianit oqaatigineqarpoq ulloq 8. august 2024
Nunatta eqqartuussisuuneqarfiata uppernarsarneqarsoraa unnerluutigineqartoq aamma arnaq piffissami pineqartumi itikkut atoqatigiissimasut, tamatumanilu nunatta eqqartuussisuuneqarfiata tunngavigivaa arnap itiani dna unnerluutigineqartup dna-vanut naapertuuttoq nassaarineqarsimasoq. Nunatta eqqartuussisuuneqarfiata taamaalilluni unnerluutigineqartup nassuiaanera atoqatigiittoqarsimannginneranik tutsuiginanngitsutut qatangiinnarpaa.
Arnap pisup ingerlarnga assut ersarluttumik qularnartumillu nassuiarpaa, tassunga ilanngullugu qaliani sinittarfimmukannginnermini unnerluutigineqartup aperisimaneraani atoqatigiinnissamik apeqqut pillugu. Nunatta eqqartuussisuuneqarfiani nassuiaanera isikkualu tunngavigalugit isummernarpoq aalakoornini pissutigalugu pisup ingerlarnga eqqaamanngikkaa, taamaallaallu eqqaamagaa unnerluutigineqartup nuliata itersaariaasia illumiillu aneqqusinera assut tupassutigalugit.
Tamanna tunngavigalugu unnerluutigineqartullu ilisimannittullu unnerluutigineqartup nuliata nassuiaanerat arnap atoqatigiinnissaq paaseqatigiissutigalugu qaliani sinittarfiliarsimasut innersuussutigalugu nunatta eqqartuussisuuneqarfia isumaqarpoq arnaq akuersitinnagu atoqatigiittoqarsimanerata aalajangersarnissaanut qularnaatsumik naammaginartumillu tunngavissaqanngitsoq.
Nunatta eqqartuussisuuneqarfiata taamaattumik eqqartuussisoqarfiup pinngitsuutitsilluni eqqartuussutaa aalajangersarpaa.
Eqqartuussisoqarfiup eqqartuussutaa aalajangersarneqarpoq.
Suliap normua: K 075/24
Eqqartuussissutit nassuiaatillu (kingusinnerusukkut ikkunneqassapput)