Eqqartuussisoqarfiup eqqartuussutaa aalajangersarneqarpoq - K 152/24

Eqqartuussissut Nunatta Eqqartuussisuuneqarfianit oqaatigineqarpoq ulloq 22. august 2024

Unnerluutigineqartoq allanneqartut malillugit pisuutinneqarpoq ilaatigut pinngitsuusaarluni atoqatiginninnarnikkut arnamut pinngitsaaliilluni atoqatiginneriarsimasutut, tak. pinerluttulerinermi inatsimmi taamani atuuttumi § 77, imm. 1, nr. 2, tak. maanna atuuttumi § 77, imm. 1, tak. § 12, ilaatigullu arnap taliatigut kiineratigut nakuusersimasutut, tak. pinerluttulerinermi inatsimmi § 88. Tamatuma saniatigut suliami pisimasumi 3-mi allassimasutut angerlarsimaffimmi eqqissiviilliortitsisimasutut pisuutinneqarpoq, tak. pinerluttulerinermi inatsimmi § 96, nr. 1.

Nunatta eqqartuussisuuneqarfiata taamaalilluni eqqartuussisoqarfiup uppernarsaatinik naliliinera isumaqatigaa, eqqaassanngikkaanni unnerluutigineqartoq pisimasumi 1-imi nakuusersimasutut aamma pisuutinneqassasoq.

Pineqaatissiissut, pisimasunut 1-imut, 3-mut 4-mullu tunngasoq, suliami matumani pisimasuni piffissaq pinerluttuliorfiusoq pissutigalugu unnerluutigineqartup Eqqartuussisoqarfik Sermersuup ulluni 20. februaari 2023 aamma 17. maaji 2024 eqqartuussissutaani inissinneqartussatut eqqartuunneqarneranut tapiliutitut aalajangersarneqassaaq, tak. pinerluttulerinermi inatsimmi § 124.

Unnerluutigineqartup siusinnerusukkut assingusumik pinerluuteqarneq pillugu eqqartuunneqarsimanera, angerlarsimaffimmi eqqissiviilliortitsinermut atatillugu pinngitsuusaarluni pinngitsaaliilluni atoqateqariarsimasutut pisuutinneqarnera, eqqarsaatigalugit aamma pinerlineqartumut nakuusersimanera innersuussutigalugu nunatta eqqartuussisuuneqarfiata tapiliutitut pineqaatissiissut qaammatinut arfinilinnut utaqqisitaanngitsumik inissiisarfimmiittussanngortitsinertut aalajangersassallugu naleqqussoraa.

Eqqartuussiviup siulittaasua isumaqarpoq arnap angummit nalusaminit angerlarsimaffimminut qaaqquneqarani isersimasumut tamatumalu saniatigut imminut nakuusersimasumit kinguaassiuutitigut kannguttaatsuliorgineqarnerata qanoq ittuussusia malillugu mittatilliineq pillugu taarsiissutit 40.000 kr.-inut aalajangersarneqartariaqartut.

Eqqartuussisoqarfik Sermersuup ulloq 18. apriili 2023 eqqartuussutaa aalajangersarneqarpoq, allannguutitulli arnamut mittatilliineq pillugu taarsiissutit 40.000 kr.-inut aalajangersarneqarput.

Suliap normua: K 159/23

Eqqartuussissutit nassuiaatillu (kingusinnerusukkut ikkunneqarumaarput)