17 jul 2024
Nunatta Eqqartuussisuuneqarfia
Sikkili tillitaq brugsenip silataani pisiarivaa - K 081/24
Angut 66-nik ukiulik Sermersuup eqqartuussiavianit 4.000 kr.-imik akiliisinneqartussatut eqqartuunneqarpoq, sikkilimik Brugsenip silataani inummik nalusaminit akikitsumik pisisimamat, nutaajugami 7.475 kr.-imit nalilimmik.
Eqqartuussissut Nunatta Eqqartuussisuuneqarfianit oqaatigineqarpoq ulloq 17. juuli 2024
Assortuussutaanngilaq sikkili unnerluutigineqartup Brugsenip saavani pisiaa tillitaasoq. Unnerluutigineqartup sikkili inummit ”angerlarsimaffeqarpasinngitsumit” aamma ”piitsumit” pisiarivaa. Unnerluutigineqartup Nuummi Brugsenip saavani tuniniaasarneq qanoq ittuusoq nalunngilaa sikkilillu pisiarineranut allagartaq takujumallugu. Unner-luutigineqartoq pisinermut allagartaq takutinneqanngikkaluartoq aalajangerpoq sikkili pisiariniarlugu. Allaatigineqartut aallaavigalugit nunatta eqqartuussisuuneqarfiata isumaqatigaa unnerluutigineqartup nalunngikkaa imaluunniit nalunngittariaqaraluaraa sikkili inatsimmik unioqqutitsinermit aallaaveqartoq.
Akiliisitsineq naleqqussorineqarpoq.
Nunatta eqqartuussisuuneqarfiata taamaattumik eqqartuussisoqarfiup eqqartuussutaa aalajangersarpaa.
Suliap normua: K 081/24
Eqqartuussissutit nassuiaatillu (kingusinnerusukkut ikkunneqarumaarput)