17 jul 2024
Nunatta Eqqartuussisuuneqarfia
Toqqusassiilluni nakuusersimasutut pisuutinneqarpoq - K 093/24
Angut 55-nik ukiulik Qaasuitsup eqqartuussivianit ulluni 30-ni inissiisarfimmiittussanngortitatut eqqartuunneqarpoq. Taassuma assani illuttut atorlugit arnamik toqqusassiinermigut, tamannalu pissutigalugu arnaq ilisimajunnaarpoq, uffarfimmi uppissimalluni niaqqumigullu annersimalluni.
Eqqartuussissut Nunatta Eqqartuussisuuneqarfianit oqaatigineqarpoq ulloq 17. juuli 2024
Unnerluutigineqartoq ulloq 18. juuni 2023 arnap ilisimajunnaassutigisaanik toqqusassinneratigut nakuusersimasutut pisuutinneqarpoq, tak. pinerluttulerinermi inatsimmi § 88. Unnerluutigineqartoq pinerlineqartullu piffissami pinerluffiusumi inooqatigiikkunnaarsimapput, aamma unnerluutigineqartup aappariit meeraat pingasut ukiukitsut sumiiffimmut nakuuserfiusumut nassarsimavai.
Nunatta eqqartuussisuuneqarfiata isumaqatigaa suliami taamatut saqqummiunneqartumi, tassa qulaani eqqaaneqartutut toqqusassiinikkut nakuuserfiusumi, pineqaatissiissut qanorluunniit inissiisarfimmiittussanngortitsinikkut pineqaatissiissutaassasoq. Unnerluutigineqartup inuttut atugaasa pitsaasuunerannik paasissutissat naliliinermik allannguinermik kinguneqarsinnaanngillat.
Unnerluutigineqartup 55-inik ukioqarnera, siusinnerusukkut nakuuserneq pillugu pineqaatissinneqarsimannginnera unnerluutigineqartullu inuttut atugaasa pitsaasuunerat eqqarsaatigalugit nunatta eqqartuussisuuneqarfiata pineqaatissiissut naleqquttumik uuttorneqarsimasoraa.
Eqqartuussisoqarfiup eqqartuussutaa aalajangersarneqarpoq.
Suliap normua: K 093/24
Eqqartuussissutit nassuiaatillu (kingusinnerusukkut ikkunneqarumaarput)