28 jun 2024
Nunatta Eqqartuussisuuneqarfia
7.500 kr.-inik taarsiisussatut eqqartuunneqarpoq - K 105/24
Angut 20-nik ukiulik Kujalliup eqqartuussivianit ulluni 14-ini Pineqaatissinneqarsimasunut inissiisarfimmiittussanngortitsinermik aammalu Kommune Kujallermut 55.233,00 koruuninik taarsiissuteqarluni akiliissaaq. Taanna Tasersuup atuarfiani igalaanik 17-inik aseruisimasutut pisuutinneqarmat.
Eqqartuussissut Nunatta Eqqartuussisuuneqarfianit oqaatigineqarpoq ulloq 28. juuni 2024
Unnerluutigineqartoq aserorterisimasutut, katillugit 53.187 kr.-inik akeqartunik sequtserisimasutut, eqqartuunneqarpoq. Unnerluutigineqartoq piffissami pinerluffiusumi 17-inik ukioqarpoq. Unnerluutigineqartoq aallaqqaataaniilli nassuerpoq, aamma pisimasup iliuuserineqarneraniit suliap nunatta eqqartuussisuuneqarfiani suliarineqarneranut ukiut pingasungajaat ingerlareerput. Piffissaq suliamik suliarinninnermut atorneqartoq unnerluutigineqartup atugaanik pissuteqanngilaq. Tamanna tunngavigalugu unnerluussisussaatitaasullu piumasaqaataat malillugu eqqartuussiviup imminut illersorneqarsinnaasoraa suliaq akiliisitsinertut, aserorterinerup annertussusia eqqarsaatigalugu 7.500 kr.-inut naleqquttumik aalajangersarneqartutut, aalajangiiffigineqarpat. Nunatta eqqartuussisuuneqarfiata taamaattumik eqqartuussisoqarfiup eqqartuussutaa allanngortippaa
Unnerluussisussaatitaasut illersuisorlu isumaqatigiipput taarsiinissamik piumasaqaatip 53.187 kr.-inut naatsorsorneqarnera eqqortuusoq. Unnerluutigineqartup taarsiinissamik piumasaqaatip annertussusia taarsiisussaatitaanerlu akuersaarpai.
Eqqartuussisoqarfiup eqqartuussutaa allanngortinneqarpoq taamaalilluni unnerluutigineqartoq 7.500 kr.-inik taarsiisussatut eqqartuunneqarluni.
Unnerluutigineqartup 53.187 kr.-it Kommune Kujallermut taarsiissutitut akilissavai.
Suliap normua: K 105/24
Eqqartuussissutit nassuiaatillu (kingusinnerukkut ikkunneqarumaarput)