Eqqartuussisoqarfiup eqqartuussutaa atuutsinneqarpoq - K 112/24

Eqqartuussissut Nunatta Eqqartuussisuuneqarfianit oqaatigineqarpoq ulloq 26. juuni 2024

Pisimasuni 3-mi 4-milu pisuunermik apeqqut pillugu
Nunatta eqqartuussisuuneqarfiata eqqartuussisoqarfiup pisimaneratut tunngavigivaa niviarsiaqqap videukkut apersorneqarnerata imarisaa. Niviarsiaraq videukkut apersorneqarnermini tutsuiginarpasippoq. Niviarsiaqqap nassuiaanera unnerluutigineqartup niviarsiaqqallu sms-ikkut attaveqaqatigiinnerannit taperserneqarpoq, tamatumani unnerluutigineqartoq allappoq najani anaanaminnut oqassanngitsoq aamma najani anaanaminnut oqanngippat najani piumasaanik sumilluunniit pitsinniarlugu. Tamatuma saniatigut unnerluutigineqartup anaanaata suliap aallartinnera pillugu nassuiaanera, tassunga ilanngullugu niviarsiaqqap anaanaminut oqaasii assigisaallu, ilisimannittutut nassuiaaneranik tapersiipput. Nunatta eqqartuussisuuneqarfiata taamaattumik isumaqatigaa unnerluutigineqartoq suliami pisimasuni 3-mi 4-milu pisuutinneqassasoq.

Pineqaatissiissut pillugu

Unnerluutigineqartoq pinerluttulerinermi inatsimmi § 102-mik, § 88-imik kiisalu § 77, imm. 2-mik, tak. § 74, unioqqutitsisimasutut pisuutinneqarpoq. Pinerluttulerinermi inatsimmi § 77, imm. 2-mik, tak. § 74, unioqqqutitsisoqarnera pillugu eqqartuussisoqarsimanera pingaarnertut innersuussutigalugu nunatta eqqartuussisuuneqarfiata pineqaatissiissutip uuttorneqarnera naleqqussoraa. 

Tamatuma saniatigut nunatta eqqartuussisuuneqarfiata mittatilliineq pillugu taarsiissutit naleqquttumik aalajangersarneqarsimasorai. 

Nunatta eqqartuussisuuneqarfiata taamaattumik eqqartuussisoqarfiup eqqartuussutaa aalajangersarpaa. 

Suliap normua: K 112/24

Eqqartuussissutit nassuiaatillu (kingusinnerusukkut ikkunneqarumaarput)