Eqqartuussisoqarfiup eqqartuussutaa aalajangersarneqarpoq - K 059/24

Eqqartuussissut Nunatta Eqqartuussisuuneqarfianit oqaatigineqarpoq ulloq 20. juuni 2024

Pisut allaatigineqartut tunngavigalugit isumaqatigaa unnerluutigineqartup pinerluttulerinermi inatsimmi § 86, tak. § 12, malillugu toqutseriarsimasutut pisuutinneqarnera. Nunatta eqqartuussisuuneqarfiata taamaalilluni tunngavigivaa unnerluutigineqartup – savimmik aqqanileriarluni kapisisup ilaatigullu puammik, massaap eqqaanik qungatsimillu eqquisup – paasisimasariaqaraa ilimanartoq pinerlineqartoq savimmik kapisinerit kingorna toqusinnaasoq, taamatuttaarlu unnerluutigineqartoq pinerlineqartoq pillugu ikiortissarsiunngilaq uffa ilisimalluinnartariaqaraluarlugu pinerlineqartup nakorsamit ikiorneqarnissani pisariaqartikkaa.

Nunatta eqqartuussisuuneqarfiata ilanngullugu eqqaassavaa unnerluutigineqartup nujaasa eqimattat unnerluutigineqartup DNA-vinik akullit nassaarineqarnerat uppernarsaatinik naliliinermik allannguisinnaanngitsut. Nunatta eqqartuussisuuneqarfiata tassunga atatillugu maluginiarpaa inimi pisoqarsimasoq unnerluutigineqartup pinerlineqartullu timikkut attornerannik kinguneqartumik, taamatuttaarlu unnerluutigineqartoq nassuiaavoq savimmik kapisinerup nalaani unnerluutigineqartoq pinerlineqartorlu timikkut attortut.

Eqqartuussisaaseq malillugu toqutseriarneq aallaaviusumik ukiuni sisamani inissiisarfim-miittussanngortitsinermik pineqaatissiissutaasarpoq. Pisoq sioqqullugu pinerlineqartup inimi unnerluutigineqartup hashiutaanik arsaarinneriarsimanera naliliinermik allannguisinnaanngilaq. Nunatta eqqartuussisuuneqarfiata taamaattumik eqqartuussut aalajangersarpaa.

Suliap normua: K 059/24

Eqqartuussissutit nassuiaatillu (kingusinnerusukkut ikkunneqassapput)