Aalakoorluni biilersimasutut pisuutinneqarpoq - K 077/24

Eqqartuussissut Nunatta Eqqartuussisuuneqarfianit oqaatigineqarpoq ulloq 18. juuni 2024

Nunatta eqqartuussisuuneqarfiata eqqartuussisoqarfiup tunngavilersuutaa isumaqatigaa, tassa unnerluutigineqartoq unnerluussummi allaatigineqartutut aalakoorluni biilersimasutut pisuutinneqarpoq.

Aalakoorluni biilersimasut pillugit suliani aalajangersimasumik suleriuseq, tassunga ilanngullugu piffissap suliamik suliarinninnermut atorneqartup sivisunera pissutigalugu nalinginnaasumik annikillisitsisarneq massakkullu unnerluutigineqartup isertitarisartagai aallaavigalugit akiliisitsineq 4.250 kr.-inut aalajangersarneqarpoq.

Eqqartuussisoqarfiup ukiuni marlunni ingerlatsisinnaanermik qanorluunniit arsaarinnin-neq pillugu eqqartuussutaa nalinginnaasumik suleriusiusartoq malillugu aalajangersarneqarpoq, allannguutitulli piffissaq arsaarinniffiusoq inaarutaasumik eqqartuussinerup kingorna aallartissaaq.

Eqqartuussisoqarfiup eqqartuussutaa aalajangersarneqarpoq, allannguutitulli akiliisitsineq 4.250 kr.-inut aalajangersarneqarluni, aamma ingerlatsisinnaanermut piffissaq arsaarinniffiusoq inaarutaasumik eqqartuussinerup kingorna aallartissaaq.

Suliap normua: K 077/24

Eqqartuussissutit nassuiaatillu (kingusinnerusukkut ikkunneqarumaarput)