Mittatilliineq - K 039/24

Eqqartuussissut Nunatta Eqqartuussisuuneqarfianit oqaatigineqarpoq ulloq 1. maj 2024

Niviarsiaraq nassuiaavoq illortaamini unnerluutigineqartumilu tukkulluni unnuit ilaanni unnerluutigineqartup assanni tigoriarlugu usumminut pisikkaa, aamma unnerluutigineqartup usunni tissaqqasoq nuisaannartorlu arlaleriarluni nuluminut ikiaqutimi qaavatigut iterminut qanittumut attuutsikkaa. Nunatta eqqartuussisuuneqarfiata nassuiaataa tutsuiginartippaa, ilaatigut pisoq pillugu nassuiaataa taperserneqarmat nassuiaataanit pisup nalaani uffarsimanngitsutut tipeqartoq, pisup kingorna assai tipittut tamatumalu kingorna pisoq kanngusuutigigamiuk qialluni, kisianni aamma nassuiaat pisimasumut 2-mut ilaasumit taperserneqarmat, aamma niviarsiaqqap arnaata nassuiaataanit niviarsiaraq allanngoriataartoq nassuaatissartaqanngitsumik. Nunatta eqqartuussisuuneqarfiata taamaattumik eqqartuussisoqarfiup pisimasumi 1-imi uppernarsaatinik inerniliinera isumaqatigaa.

Niviarsiaqqap aappaa nassuiaavoq allat ilagalugit, tassunga ilanngullugu kammani niviarsiaraq, nalunnguareerluni unnerluutigineqartup aalajangiusimagaa imminik allarterinissani, uffa arlaleriarluni nammineq allartersinnaaneraraluarluni. Niviarsiaraq nangilluni nassuiaavoq allarummik allarterinermi nalikkaani, uppatini, itini ivianginilu ukkatarineqartut, tamannalu iluaatsoq, aamma unnerluutigineqartup pissusilersornera tupassutigalugu uneqqorusukkaluarlugulu. Nunatta eqqartuussisuuneqarfiata niviarsiaqqap nassuiaataa tutsuiginartippaa, ilaatigut niviarsiaraq nassuiaanermini pisumit ersarissumik sunnertisimammat, kisianni pingaarnertut ingasattajaarnani nassuiaammat, aamma naassuiaataa niviarsiaqqap siulliup nassuiaataanit taperserneqarmat, tassa niviarsiaqqap aappaa allarterneqartoq, niviarsiaraq oqartoq nammineq allartersinnaalluni, kisianni aamma niviarsiaraq allarterneqarnerup nalaani aliasuppasittoq. 

Niviarsiaqqap allarterneqarnerani ukkatarineqartut eqqarsaatigalugit, niviarsiaqqamik arfineq-pingasunik ukiulimmik nammineq allartersinnaasumik allarterineq pineqarmat niviarsiararlu arlaleriarluni allarterneqarumanani oqarmat nunatta eqqartuussisuuneqarfiata isumaqatigaa pinerluttulerinermi inatsimmi § 84, imm. 1-imik unioqqutitsineq pineqartoq, tamannalu unnerluutigineqartup paasivaa.
 
Eqqartuussisoqarfiup pineqaatissiissutitut aalajangersagaa nunatta eqqartuussisuuneqarfiata naleqqussoraa taamaalillunilu pingaarnertut tunngavigalugu niviarsiaqqanut marlunnut arfineq-pingasunik ukiulinnut kannguttaatsuliorneq pineqartoq, tamatumanilu unnerluutigineqartoq atisaqanngikkuni meeraq atisaqanngitsoq, kinguaassiuutillu nuisaannartut attuualaarneqartut, kisianni pisimasut aamma 2021-imi politiinut nalunaarutigineqartut. Pisimasut qanoq ittuussusii eqqarsaatigalugit unnerluutigineqartullu siusinnerusukkut pineqaatissinneqarsimannginnera apeqqutaatinnagu nunatta eqqartuussisuuneqarfia isumaqarpoq aallaaviusumik inissiisarfimmiittussanngortitsinertut eqqartuussinissap saneqqunnissaanut tunngavissaqanngitsoq. 

Eqqartuussisoqarfiup mittatilliineq pillugu aalajangiussaa nunatta eqqartuussisuuneqafiata isumaqatigaa.

Eqqartuussisoqarfiup eqqartuussutaa aalajangersarneqarpoq.

Suliap normua: K 039/24

Eqqartuussissutit nassuiaatillu (kingusinnerusukkut ikkunneqarumaarput)