Eqqartuussisoqarfiup eqqartuussutaa aalajangersarneqarpoq - K 053/24

Eqqartuussissut Nunatta Eqqartuussisuuneqarfianit oqaatigineqarpoq ulloq 13. maj 2024

Uppernarsaatinik saqqummiussinerup kingorna nunatta eqqartuussisuuneqarfianut ersarippoq Kalaallit Nunaanni inissiisarfinnik neqerooruteqanngitsoq unnerluutigineqartup pisariaqartitaanik matussusiisinnaasunik iliuuseqarfiginnissinnaasunillu. Aamma nakorsaanerup nassuiaataani tunngavilersorneqarpoq unnerluutigineqartoq sinaakkutinut assut aaqqissuussaasunut inissinneqanngikkuni allanik ulorianartorsiortitsiuassasoq. 

Tamanna tunngavigalugu aamma eqqartuussisoqarfiup tunngavilersuutitut allatai aallaavigalugit eqqartuussisoqarfiup pineqaatissiissut pillugu aalajangiussaa aalajangersarneqarpoq. Europami Inuit Pisinnaatitaaffii pillugit Isumaqatigiissummi immikkoortoq 8 pillugu unnerluutigineqartoq eqqaaneqartoq suliap peqqarniissusia eqqarsaatigalugu aamma Kalaallit Nunaanni inissiinissamut periarfissaqanngimmat allamik inerniliisoqarsinnaanngilaq, tassunga ilanngullugu allat inuunerat peqqissusiallu pinerluttuliortoqarnissaalu pitsaaliorniarlugu unnerluutigineqartoq inissinneqartariaqarmat. 

Uianut tunngatillugu 1.055.000 kr.-inik taarsiisoqarnissaanik piumasaqaat malinneqarpoq EAL § 13 naapertorlugu, aamma 100.000 kr.-inik EAL § 26 naapertorlugu. 

Illuatungeriit taarsiisoqarnissaanik piumasaqaataannut naapertuuttumik unnerluutigineqartoq pinngitsuutinneqarpoq. 

Eqqartuussisoqarfiup pineqaatissiissummut tunngatillugu eqqartuussutaa aalajangersarneqarpoq. 

Uianut taarsiissutit pillugit eqqartuussisoqarfiup aalajangiussaa allanngortinneqarpoq taamaalilluni unnerluutigineqartoq ilisinermut aningaasartuutit saniatigut 1.150.000 kr.-inik uianut akiliisussanngorlugu.

Illuatungeriinnut taarsiisoqarnissaanik piumasaqaat pillugu unnerluutigineqartoq pinngitsuutinneqarpoq.

Suliap normua: K 053/24

Eqqartuussissutit nassuiaatillu (kingusinnerusukkut ikkunneqarumaarput)