03 maj 2024
Nunatta Eqqartuussisuuneqarfia
Eqqartuussisoqarfiup eqqartuussutaa aalajangersarneqarpoq - K 001/24
Angut 60-nik ukiulik Qaasuitsup eqqartuussivianit pinngitsuutinneqarpoq. Taanna unnerluunneqarpoq niviarsiaraq inuusoq 16. juni 2007. Inissiami angutip niviarsiaraq qaniatigut asserlugu atisaajarsimavaa, siniffimmut innartillugu pinngitsaalillugu atoqatigalugu.
Eqqartuussissut Nunatta Eqqartuussisuuneqarfianit oqaatigineqarpoq ulloq 3. maj 2024
Niviarsiaraq nassuiaavoq angut, 2019-imi ukiukkut imminik pinngitsaaliilluni inerluni atoqatiginnittoq, ilisarisimanagu. Pisimasup iliuuserineqarnera sioqqullugu sumiiffimmi Qeeqip eqqaani ikinngutini ilagitillugit angummit tiguneqarpoq inimukaanneqarlunilu. Inissiaq sumiiffimmut tiguneqarfimminut ”qanippallaanngilaq”. Inissiami angutip atisaajarpaani, siniffimmut innartippaani, aallaatippaani pinngitsaalillunilu atoqatigaluni. Nassuiaavoq innarliinerup annerpaartaa, qanoq naanersoq imaluunniit qanoq inissiamiit qimagunnerluni eqqaamasinnaanagu. Nangilluni nassuiaavoq innarliinerup kiingorna ”kakkortani” anniaralugit. Niviarsiaraq aatsaat 2021-imi februaarimi innarliineq pillugu anaanaminut oqaluttuarpoq. Piffissami tamatumani angutip kinaassusia ilisimatitsissutiginngilaa, innarliinerli pillugu anaanaminut oqaluttuarnermi ullualuit qaangiuttut angutip Facebook-imi assinga anaanaminut takutippaa. Niviarsiaraq nassuiaavoq ikinngutimi novembarimi oqaluttuummani angummit taama ittumik profiililimmit kannguttaatuliorfigineqarsimalluni facebookimi profiili ilisimalersimallugu. Niviarsiaraq nassuiaavoq pinngitsaalisaalluni atoqatigineqarsimanini kammalaatiminut oqaluttuarisimanagu.
Niviarsiaqqap pinerluttuliortoq aatsaat innarliinerup kingorna ukioq ataaseq affarlu qaangiuttoq aamma ikinngutimi angummik taassuminnga imminik innarliisimasutut toqqaanerata kingorna ilisareqqippaa. Niviarsiaqqap angutip isikkua pillugu apersorneqarnermini taamaallaat nassuiarpaa angut qeersaartunik umeqartoq, aamma nassuiaavoq innarliineq innarliinerulluunniit nalaani piffissaq eqqaamasarfigivallaarnagit. Tamanna tunngavigalugu aamma unnerluutigineqartoq pinngitsuunerarmat aamma innarliinerup taassumannga iliuuserineqarneranik tigussaasunik uppernarsaateqanngimmat nunatta eqqartuussisuuneqarfia isumaqarpoq eqqartuussinissamut pisariaqartumik uppernarsarneqanngitsoq unnerluutigineqartup niviarsiaraq innarlersimagaa. Ilisimannittup nassuiaanera allatut naliliinermik kinguneqarsinnaanngilaq. Taamaattumik nunatta eqqartuussisuuneqarfiata eqqartuussisoqarfiup unnerluutigineqartoq pinngitsuutitsinera isumaqatigaa.
Eqqartuussisoqarfiup eqqartuussutaa aalajangersarneqarpoq.
Suliap normua: K 001/24
Eqqartuussissutit nassuiaatillu (kingusinnerusukkut ikkunneqarumaarput)