19.500 kr.-inik akiliisinneqartussatut eqqartuunneqarpoq - K 042/24

Eqqartuussissut Nunatta Eqqartuussisuuneqarfianit oqaatigineqarpoq ulloq 4. april 2024

Unnerluutigineqartup nassuerutigaa Nuuk Centerip eqqaani pinerlineqartoq arlaleriarluni ajassimallugu, kisianni pinerlineqartup unnerluutigineqartullu perulluliornerat pillugu nassuiaatit eqqarsaatigalugit nunatta eqqartuussisuuneqarfia isumaqarpoq pingaaruteqanngitsumik inatsisinik unioqqutitsineq, unnerluussissutip ataanut atatinneqarsinnaanngitsoq, pineqartoq. Taamaattumik unnerluutigineqartoq pinerluttulerinermi inatsim-mi § 88 – nakuuserneq pillugu pisimasumi 1-imi pinngitsuutinneqarpoq. 

Pisimasumi 2-mi 3-milu pisuunermik apeqqut suliareqqitassanngortinneqanngilaq, aamma illuatungeriit isumaqatigiissutigaat ingerlatsisinnaanermut allagartamik qanorluunniit arsaarinninneq allanngortinnagu atuutsinneqarneqassasoq. 

Pisimasut 2 aamma 3 pillugit pineqaatissiissummut tunngatillugu.
Unnerluutigineqartup isertitai pillugit nunatta eqqartuussisuuneqarfianut paasissutissat nutaat saqqummiunneqarput. Tamanna tunngavigalugu pisimasullu 2-p aamma 3-p 2021-mi iliuuserineqarismanerat innersuussissutigalugu nunatta eqqartuussisuuneqarfia isumaqarpoq eqqartuussiviit qullersaasa suleriusaanut unnerluussisussaatitaasullu pi-umasaqaataannut naapertuuttumik akiliisitsinerup 19.500 kr.-inut appartinnissaanut tunngavissaqartoq. 

Eqqartuussisoqarfiup eqqartuussutaa allanngortinneqarpoq taamaalilluni unnerluutigineqartoq 19.500 kr.-inik akiliisinneqartussatut eqqartuunneqarluni.

Ingerlatsisinnaanermut allagartamik qanorluunniit arsaarinninneq allanngortinnagu atuutsinneqarneqassaaq.  

Suliap normua: K 042/24

Eqqartuussissutit nassuiaatillu (kingusinnerusukkut ikkunneqassapput)