15 mar 2024
Nunatta Eqqartuussisuuneqarfia
Ulluni 14-ini inissiisarfimmiittussatut eqqartuunneqarpoq - K 035/24
Angut 56-nik ukiulik Sermersuup eqqartuussivianit ulluni 20-ni inissiisarfimiittussanngortinneqartutut eqqartuunneqarpoq. Inooqatimi panianut 13-inik ukiulimmut kannguttaatsuliorsimasutut, atisaata qaavatigut uppataatigut attuualaarsimagamiuk oqqanilu atorlugu pingasoriarluni aparsimagamiuk.
Eqqartuussissut Nunatta Eqqartuussisuuneqarfianit oqaatigineqarpoq ulloq 15. marts 2024
Unnerluutigineqartoq inooqatimi panianut 13-inik ukiulimmut kannguttaatsuliorsimasutut eqqartu-ussaasimavoq atisaata qaavatigut uppataatigut attuualaarsimagamiuk oqqanilu atorlugu pingasoriarluni aparsimagamiuk.
Unnerluutigineqartup pisimasoq nassuerutigaa, suliarlu suliatut nassuerfiusutut saqqummiunneqarpoq. Suliaq pisariunngilaq, aamma piffissap suliamik suliarinninnermut atorneqartup sivisunera taassuma atugaanik pissuteqanngilaq. Tamanna tunngavigalugu kannguttaatsiliornerullu qanoq ittuussusia eqqarsaatigalugu tamatumalu unnerluutigineqartup inuttut atugai pillugit paasissutissanut, tassunga ilanngullugu siusinnerusukkut pineqaatissinneqarsimannginneranut, sanillersuunneratigut nunatta eqqartuussisuuneqarfia isumaqarpoq pineqaatissiissutip ullunut 14-inut uuttorneqarnissaa naleqquttoq, tak. pinerluttulerinermi inatsimmi § 84, imm. 1, tak. § 129, imm. 1, aamma 2.
Mittatilliineq pillugu taarsiissutit 8.000 kr.-inut aalajangersarneqarput.
Nunatta eqqartuussisuuneqarfiani suliami aningaasartuutit naalagaaffiup karsianit aamma akilerneqassapput.
Unnerluutigineqartoq ulluni 14-ini inissiisarfimmiittussatut eqqartuunneqarpoq. Pineqaatissiissummik naammassinninneq piffissatut misiliutaasup ukiup ataatsip naanerata kingorna kinguartinneqassallunilu atorunnaarsinneqassaaq.
Unnerluutigineqartup ullut 14-it iluanni 8.000 kr.-it niviarsiaqqamut akilissavai.
Suliap normua: K 035/24
Eqqartuussissutit nassuiaatillu (kingusinnersukkut ikkunneqarumaarput)