Kinguaassiuutitigut atornerluisimasutut eqqartuussaaneq - K 016/24

Eqqartuussissut Nunatta Eqqartuussisuuneqarfianit oqaatigineqarpoq ulloq 20. marts 2024

Unnerluutigineqartoq kinguaassiuutitigut atornerluisimasutut taamaalillunilu pinerluttulerinermi inatsimmi § 78, imm. 3, nr. 3-mik unioqqutitsisimasutut eqqartuussaasimavoq innarluutillit tarnikkullu nappaatillit najugaqatigiiffianni, tapersersortitut atorfeqarfigisamini, 2020-mi pingasoriarluni najugaqartumik atoqateqarneq pillugu. Suliami pinerlineqartoq malersorneqartutut misigisarluni nappaatigalugu isummamigut avissimasutut ilisartutut, annilaangasutut tusaasuusisarnermillu naalliuuteqartutut allaatigineqarpoq.

Piffissaq suliamik suliarinninnermut atorneqartoq eqqarsaatigalugu unnerluussisussaatitaasullu eqqartuussisoqarfiup aalajangiussaanik aalajangersaasoqarnissaanik piumasaqarmata nunatta eqqartuussisuuneqarfia isumaqarpoq pisimasut sakkortugaluartut amerlagaluartullu pineqaatissiissutip eqqartuussissutigineqartup qaffannissaanut tunngavissaqanngitsoq, taamaattumik eqqartuussisoqarfiup aalajangiussaa aalajangersarneqarpoq. Tamanna tunngavigalugu pisimasullu qanoq ittuussusiat eqqarsaatigalugu pineqaatissiissutip utaqqisitanngortinnissaanut inuiaqatigiinniluunniit sulisitaanermik naammassinninnissaq pillugu aalajangiussanik aalajangersaanissamut tunngavissaqanngilaq.

Eqqartuussisoqarfiup eqqartuussutaa aalajangersarneqarpoq. 

Suliap normua: K 016/24

Eqqartuussissutit nassuiaatillu (kingusinneruskkut ikkunneqarumaarput)