Eqqartuussisoqarfiup aalajangiussaa aalajangersarneqarpoq - K 051/24

Eqqartuussissut Nunatta Eqqartuussisuuneqarfianit oqaatigineqarpoq ulloq 20. marts 2024

Unnerluutigineqartup qulingiluanik ukiullip kinguaassiuutaanik nuisaannartunik ataasiarluni attuualaarinninneq pillugu taamaalillunilu pinerluttulerinermi inatsimmi § 77, imm. 2 (taamani atuuttumi pinerluttulerinermi inatsimmi § 77, imm. 1, nr. 3) naapertorlugu meeqqamik aqqaneq-marluk inorlugit ukiulimmik allatut kinguaassiuutitigut pinngitsaaliilluni atoqatiginnissimasutut eqqartuussaasimavoq. 
 
Pisimasoq iliuuserineqarmat unnerluutigineqartoq 17-inik ukioqarpoq. Pisimasoq ingerlaannaq nassuerutigaa, siusinnerusukkut pineqaatissinneqarsimanngilaq pinerluuteqarsimasorlu tarnikkut nappaatilik pillugu nalunaarummi nukangalaartorujussuartut allaatigineqarluni. 

Eqqartuussisut marluk oqaaseqarput
Tamanna tunngavigalugu pineqaatissiissut eqqartuussisoqarfimmit uuttorneqarsimasoq isumaqatigaarput.

Eqqartuussisoq ataaseq oqaaseqarpoq
Meeqqap ukiui eqqarsaatigalugit isumaqarpunga pineqaatissiissut qaammatini qulingiluani inissiisarfimmiittussanngorlugu uuttorneqassasoq.

Taasisut amerlanerussuteqartut malillugit aalajangiisoqarpoq, taamaattumik eqqartuussisoqarfiup pineqaatissiissummut tunngatillugu eqqartuussutaa aalajangersarneqarpoq.  

Pisimasup qanoq ittuussusia eqqarsaatigalugu nunatta eqqartuussisuuneqarfiata mittatilliineq pillugu taarsiissutinut tunngatillugu piumasaqaat ataani allassimasutut malippaa. 

Eqqartuussisoqarfiup pineqaatissiissummut tunngatillugu aalajangiussaa aalajangersarneqarpoq.

Unnerluutigineqartoq ullut 14-it iluanni 20.000 kr.-it mittatilliineq pillugu taarsiissutitut niviarsiaqqamut akilissavai.

Suliap nomua: K 051/24

Eqqartuussissutit nassuiaatillu (kingusinnerusukkut ikkunneqassapput)