Utaqqisitamik ulluni 20-ni eqqartuunneqarpoq - K 283/23

Eqqartuussissut Nunatta Eqqartuussisuuneqarfianit oqaatigineqarpoq ulloq 15. februar 2024

Unnerluutigineqartup nassuerneratigut tamatumalu paasissutissiissutigineqartunut allanut sanilliunneratigut unnerluutigineqartoq allakkami unnerluussummi unnerluussissutigineqartumut naapertuuttumik pisuutinneqarpoq.

Unnerluutigineqartoq ulluni 20-ni inissiisarfimmiittussanngortitsinermik pineqaatissinneqarpoq, taannalu ukiumi ataatsimi misiliutitut piffissaqarpoq utaqqisitanngortinneqarlunilu 4.500 kr.-imillu akiliisitsinertaqarluni, tak. pinerluttulerinermi inatsimmi § 129, tak. § 114, imm. 1, angallannermut inatsimmi § 56, imm. 1, tak. § 9, imm. 1 aamma § 13, imm. 1.

Nunatta eqqartuussisuuneqarfiata akiliisitsinermik aalajangersaanermini tunngavigivaa piffissap suliamik suliarinninnermut atorneqartup sivisunera, tamannalu unnerluutigineqartup atugaanik pissuteqanngilaq.

Unnerluutigineqartoq qamutinik motoorilinnik ingerlatsisinnaanermut allagartaqarnissamik piumasaqaatilinnik ingerlatsisinnaanermut allagartamik arsaarneqarpoq ukiumi ataatsimi qaammatinilu arfilinni, tak. angallannermut inatsimmi § 60, imm. 1, nr. 1. 

Taarsiissussaanermik piumasaqaat eqqartuussummut ilaanngunneqanngilaq, aqqunartorlu saqitsaanneq pillugu suliassanngortitsinissamut innersuunneqarpoq. Biilimik iluarsartuussinissamut neqeroorummik saqqummiussinikkut taarsiisoqarnissaanik piumasaqaat tunngavilersorneqanngilaq. 

Unnerluutigineqartoq ulluni 20-ni inissiisarfimmiittussanngorlugu utaqqisitamik eqqartuunneqarpoq. Piffissatut misiliutaasup ukiup ataatsip naanerani pineqaatissiissummik naammassinninneq kinguartinneqassallunilu atorunnaarsinne-qassaaq.

Unnerluutigineqartup 4.500 kr.-mik akiliisitsineq akilissavaa.

Unnerluutigineqartoq qamutinik motoorilinnik ingerlatsisinnaanermut allagartaqarnissamik piumasaqaatilinnik ingerlatsisinnaanermut allagartamik arsaarneqarpoq inaarutaasumik eqqartuussummiit ukiumi ataatsimi qaammatinilu arfilinni.

Suliap normua: K 283/23

Eqqartuussissutit nassuiaatillu (kingusinnerusukkut ikkunneqassapput)