Inissiisarfimmiittussanngorlugit eqqartuunneqarput - K 025/24

Eqqartuussissut Nunatta Eqqartuussisuuneqarfianit oqaatigineqarpoq ulloq 20. februar 2024

Unnerluutigineqartut piffissami 2020-miit 2023-mi aasap tungaanut arlaleriarluni tillinniarnerit pillugit pisuutinneqarsimapput. 

Pinerluttuliornerit pillugit pineqaatissiissummik aalajangersaanermi nunatta eqqartuussisuuneqarfiata tunngavigivai pisimasut amerlassusii aamma unnerluutigineqartut pisimasut amerlanersaat peqatigiillutik allanilluunniit peqateqarlutik iliuuserisimagaat. Aappaatigulli pisimasut amerlasuut unnerluutigineqartut suli 18-iliinngitsut iliuuserineqarsimapput, aamma ukiuniit marlunniit sisamat tikillugit matuma siorna iliuuserineqarsimapput. Tamatuma saniatigut tunngavigineqarpoq unnerluutigineqartut siusinnerusukkut pineqaatissinneqarsimannginnerat.

Unnerluutigineqartumut pineqaatissiissut naleqquttumik ukiumi ataatsimi qaammatinilu pingasuni inissiisarfimmiittussanngortitsinertut aalajangersarneqarsinnaavoq.

Unnerluutigineqartumut pineqaatissiissut naleqquttumik ukiumi ataatsimi qaammatinilu arfinilinni inissiisarfimmiittussanngortitsinertut aalajangersarneqarsinnaavoq. Eqqartuussiviup tunngavigivaa unnerluutigineqartup aamma nakuusernermi pisuutinneqarsimanera unnerluussaaqatiminullu unnerluutigineqartup aappaanut sanilliullugu tillinniarnerit amerlanerusut pillugit pisuutinneqarsimanera.

Unnerluutigineqartoq ukiumi ataatsimi qaammatinilu pingasuni inissiisarfimmiittussanngorlugu eqqartuunneqarpoq.

Unnerluutigineqartup aappaa ukiumi ataatsimi qaammatinilu arfinilinni inissiisarfimmiittussanngorlugu eqqartuunneqarpoq.

Suliap normua: K 025/24

Eqqartuussissutit nassuiaatillu (kingusinnerusukkut ikkunneqarumaarput)