06 febr 2024
Nunatta Eqqartuussisuuneqarfia
Qaammatini 6-linni inissiisarfimmiittussanngorpoq - K 247/23
Arnaq 36-nik ukiulik eqqartuussivik kujallermit ukiumi ataatsimi qaammatinilu arfinilinni Pineqaatissinneqarsimasunut Inissiisarfimmut inissinneqartussatut eqqartuunneqarpoq. Taanna angummik allamik peqateqarluni meeqqamik aqqaneq-marluk inorlugit ukiulimmik pinngitsaaliilluni atoqateqarsimammat.
Eqqartuussissut Nunatta Eqqartuussisuuneqarfianit oqaatigineqarpoq ulloq 6. februar 2024
Unnerluutigineqartoq qaammatini arfinilinni inissiisarfimmiittussanngorlugu eqqartuunneqarpoq. Tamatuma kingorna unnerluutigineqartoq pinerluttunik isumaginnittoqarfimmit ukiuni marlunni nakkutigineqassaaq.
Unnerluutigineqartup mittatilliineq pillugu 100.000 kr.-imik taarsiissutit pineqartumut akilissavai.
Taarsiissutit taarsiisussaanermut akisussaaneq pillugu inatsimmi § 16 malillugu akilerneqassallutillu ernialersorneqassapput.
Suliap normua: K 247/23
Eqqartuussissutit nassuiaatillu (kingusinnerusukkut ikkunneqassapput)