12 nov 2024
Nunatta Eqqartuussisuuneqarfia
100-tiimini inuiaqatigiinni sulisitaasussatut - K 159/24
Eqqartuussisut allattorsimaffiata assilineqarnerat eqqartuussullu kalaallisut perusukkukku Nunatta Eqqartuussisuuneqarfia attavigisinnaavat.
Eqqartuussissut Nunatta Eqqartuussisuuneqarfianit oqaatigineqarpoq ulloq 12. november 2024
Unnerluutigineqartoq eqqartuussisoqarfimmi eqqartuunneqarpoq ulloq 1. januaari 2022 pigisanik aserorterisimasutut, nakuusersimasutut sioorasaarisimasutullu, taakkulu taamanikkut arnamut 17-inik ukiulimmut iliuuserineqarput. Tamatuma saniatigut pineqartumut nakuusersimasutut aamma inunnut allanut marlunut ulloq 2. januaari 2022 sioorasaarisimasutut eqqartuunneqarpoq. Unnerluutigineqartoq peqqarniitsumik nakuusersimavoq, tassa ilaatigut arnaq pineqartoq toqqusassigamiuk niaqormillugulu, taamatuttaarlu arnaq alla toqqusassivaa tillullugulu qingaa napillugu.
Unnerluutigineqartoq eqqartuunneqarpoq nalunaaquttap-akunnerini 100-ni inuiaqatigiinni sulisitaasussatut, taakkulu qaammtit arfineq-pingasut iluanni sivisunerpaaffissaligaasumi naammassinneqassapput. Tamatuma saniatigut pinerluttunik isumaginnittoqarfimmit ukiumi ataatsimi qaammatinilu arfinilinni nakkutigineqassaaq.
Taarsiineq pillugu eqqartuussisoqarfiup eqqartuussutaa aalajangersarneqarpoq.
Suliap normua: K 159/24
Eqqartuussissutit nassuiaatillu (kingusinnerusukkut ikkuneqarumaarput)