27 nov 2024
Nunatta Eqqartuussisuuneqarfia
Eqqartuussisoqarfiup eqqartuussutaa aalajagersarneqarpoq - K 140/24
Eqqartuussisut allattorsimaffiata assilineqarnerat eqqartuussullu kalaallisut perusukkukku Nunatta Eqqartuussisuuneqarfia attavigisinnaavat.
Eqqartuussissut Nunatta Eqqartuussisuuneqarfianit oqaatigineqarpoq ulloq 27. november 2024
Ilisimannittup nunatta eqqartuussisuuneqarfianut aamma tutsuiginartumik unnuami pineqartumi pisup ingerlarnga nassuiarsimavaa. Taamaalilluni unnerluussissummut naapertuuttumik sukumiisumik nassuiaateqarsimavoq, tassunga ilanngullugu unnerluutigineqartup kannguttaatsuliorfigigaani akuerisimanngisaminillu atoqatigigaani. Ilisimannittup tutsuiginassusianut pingaartinneqarpoq arnap ilisimannittup pisup aqaguani niviarsiaqqap pineqartup qisuariarnera pillugu oqaluttuarnera.
Taamaattumik nunatta eqqartuussisuuneqarfiata eqqartuussisoqarfiup naliliinera isumaqatigivaa taperserlugulu unnerluutigineqartoq unnerluussissummi pisuusoq.
Nunatta eqqartuussisuuneqarfiata taamatuttaaq isumaqatigivaa pineqaatissiissut ukiumi ataaatsimi qaammatinilu pingasuni inissiisarfimmiittussanngortitsinermut aalajangersarneqartoq. Inissiisarfimmiittussanngortitsinerup sivisussusianik naliliinermi pingaartinneqarpoq niviarsiaraq pineqartup unnerluutigineqartullu ukiumikkut annertuumik nikingassuteqarnerat, unnerluutigineqartoq angaatut tatiginninnikkut pakatsisitsisoq, aamma niviarsiaraq 16-iinnarnik ukioqartoq, tak. pinerluttulerinermi inatsimmi § 77, imm. 3.
Kingullertut nunatta eqqartuussisuuneqarfiata isumaqatigivaa niviarsiaqqap pineqartup mittatigineqarneq pillugu 50.000 kr.-inik taarsiivigineqarnissamik uuttuivigineqarsimanera.
Nunatta eqqartuussisuuneqarfiata taamaalilluni eqqartuussisoqarfiup eqqartuussutaa aalajangersarpaa.
Eqqartuussisoqarfiup eqqartuussutaa aalajagersarneqarpoq
Suliap normua: K 140/24
Eqqartuussissutit nassuiaatillu (kingusinnerusukkut ikkunneqarumaarput)