16 okt 2024
Nunatta Eqqartuussisuuneqarfia
Pineqaatissiissut utaqqisitaanngitsumik aalajangersarneqarpoq - K 153/24
Eqqartuussisut allattorsimaffiata assilineqarnerat eqqartuussullu kalaallisut perusukkukku Nunatta Eqqartuussisuuneqarfia attavigisinnaavat.
Eqqartuussissut Nunatta Eqqartuussisuuneqarfianit oqaatigineqarpoq ulloq 16. oktober 2024
Ilisimannittut arnat marluk assigiimmik tutsuiginartumillu aalajangersimasumillu nassuiaanerisa taakkualu suliami nakorsamit ilisimatitsissutinut sanillersuunnerisa kingorna nunatta eqqartuussisuuneqarfiata upper-narsarneqarsoraa unnerluutigineqartoq unnerluussissutigineqartumi pisuusoq, taamaattumillu eqqartuussisoqarfiup pisuunermik apeqqummi aalajangiussaa aalajangersarneqarpoq.
Unnerluutigineqartoq inunnut ulorianaatilimmik pinerluttuliornermi siusinnerusukkut arlaleriarluni eqqartuussaasarsimammat nunatta eqqartuussisuuneqarfiata eqqartuussisoqarfik isumaqatigivaa suliami matumani pineqaatissiissut utaqqisitaanngitsumik inissiisarfimmiittussanngortitsinermut aalajangersarneqassasoq. Nunatta eqqartuussisuuneqarfiata taamatuttaaq pineqaatissiissummik uuttuinermi eqqartuussisoqarfik isumaqatigaa.
Nunatta eqqartuussisuuneqarfiata tunngavigivai Pinerluttunik Isumaginnittoqarfimmit ilisimatitsissutigineqartoq unnerluutigineqartup inuiaqatigiinni sulisitaanissami nalunaaquttap-akunneri 120-usunit 21-t ingerlassimagai, taamalu eqqartuunneqarpoq ulloq 1. juuni 2023 Nunatta Eqqartuussisuuneqarfiata eqqartuussutaani, tamannalu sanillersuunneqarpoq suliami matumani peqqarniinngitsumik nakuusernermut ullorlu 1. juuni 2023 eqqartuussummi pisimasunut pineqartunut peqqarniitsuusunut. Sakkortusaaqataavoq suliami matumani pisimasoq unnerluutigineqartup kingullermik nakuuserneq pillugu eqqartuussaanerata kinguninngua Pinerluttunillu Isumaginnittoqarfimmit nakkutigineqarnermi nalaani iliuuserineqarsimammat.
Eqqartuussisoqarfiup eqqartuussutaa aalajangersarneqarpoq.
Suliap normua: K 153/24
Eqqartuussissutit nassuiaatillu (kingusinnerusukkut ikkunneqassapput)