Eqqartuussut allanngortinneqarpoq - K 154/24

Eqqartuussissut Nunatta Eqqartuussisuuneqarfianit oqaatigineqarpoq ulloq 4. oktober 2024

Unnerluutigineqartoq eqqartuussisoqarfimmi ulloq 2. septembari 2023 unnukkut pinerlineqartoq marloriarluni niaquatigut isassisimasutut eqqartuunneqarpoq, pinerlineqartullu isanneqarnermigut siutimi saamerlikkut tusaasinnaasaa apparpoq anniarlunilu. Pisuunermik apeqqut nunatta eqqartuussisuuneqarfianut suliareqqitassanngortinneqanngilaq.

Nunatta eqqartuussisuuneqarfiata pineqaatissiissut nalunaaquttap-akunnerini 40-ni inuiaqatigiinni sulisitaanertut aalajangersarpaa, tamannalu qaammatini arfinilinnik sivisunerpaaffissaliinerup iluani naammassineqassaaq, tak. pinerluttulerinermi inatsimmi § 141, imm. 1, tak. § 88, naggat siulleq. Tamatuma saniatigut unnerluutigineqartoq ukiumi ataatsimi pinerluttunik isumaginnittoqarfimmit nakkutigineqassaaq, tak. pinerluttulerinermi inatsimmi § 141, imm. 2, naggat siulleq.

Nunatta eqqartuussisuuneqarfiata eqqartuussisoqarfiup nakuusernermik suliani pineqaatissiissutip annertussusia pillugu allataa isumaqatigaa, oqaatigissalluguli nunatta eqqartuussisuuneqarfiata ukiuni kingullerni periutsitut ineriartortissimammagu nakuusernernik suliani peqqarniiffiunnginnerusuni inuiaqatigiinni sulisitsinermik atuisarneq unnerluutigineqartup inuttut atugai pineqaatissiissummik taama ittumik atuinissamut akerliunngikkaangata. Suliami matumani pineqaatissiissummik aalajangersaanermi nunatta eqqartuussisuuneqarfiata pingaarnertut tunngavigivai unnerluutigineqartoq pinerlineqartumut niaquatigut marloriarluni isassisimanermigut peqqarniinngitsumik nakuusersimasutut eqqartuunneqarsimammat aamma unnerluutigineqartup inuttut atugaasa pitsaasuunerat. 

Pineqaatissiissut nalunaaquttap-akunnerini 40-ni inuiaqatigiinni sulisitsinermut allanngortinneqarpoq, tamannalu qaammatinik arfinilinnik sivisunerpaaffissaliinerup iluani naammassineqassaaq. Tamatuma saniatigut unerluutigineqartoq ukiumi ataatsimi pinerluttunik isumaginnittoqarfimmit nakkutigineqassaaq.

Suliap normua: K 154/24

Eqqartuussissutit nassuiaatillu (kingusinnerusukkut ikkunneqarumaarput)