Ulluni 40-ni inissiisarfimmiittussanngorlugu eqqartuunneqarpoq - K 254/23

Eqqartuussissut Nunatta Eqqartuussisuuneqarfianit oqaatigineqarpoq ulloq 9. januar 2024

Pisimasumut 1-imut tunngatillugu.
Eqqartuussisut marluk eqqartuussisoqarfiup tunngavilersuutaa inerniulissaalu isumaqatigaat. 
Eqqartuussisup ataatsip uppernarsarneqarsoraa unnerluutigineqartup allakkami unnerluussummi allaatigineqartutut pinerlineqartup utsuatigut attuualaaraa, uppernarsarneqarsorinngilaali piaaraluni kannguttaatsuliorfigigaa.
Amerlanerussuteqartut taasinerat malillugu unnerluutigineqartoq allakkami unnerluussummi allaatigineqartutut kannguttaatsuliorsimasutut pisuutinneqarpoq, tak. pinerluttulerinermi inatsimmi § 84, imm. 1.

Pisimasumut 2-mut tunngatillugu.
Nunatta eqqartuussisuuneqarfianut uppernarsaatinik saqqummiussinerup kingorna upper-narsarneqanngilaq unnerluutigineqartup allakkami unnerluussummi allaatigineqartutut pinerlineqartoq toqqusassigaa. Nunatta eqqartuussisuuneqarfiata eqqartuussisoqarfiup tunngavilersuutaa inerniulissaalu isumaqatigaa.

Pisimasumut 3-mut tunngatillugu.
Pinerlineqartup eqqartuussisoqarfimmut pisup ingerlarnga pillugu nassuiaataa arlalitsigut nangaanartortaqarpasippoq eqqaamajuminaatsikkamiuk. Pinerlineqartup nunatta eqqartu-ussisuuneqarfianut nassuiaataa aamma nalunartortaqarpasillunilu ataqatigiinngippasippoq. Ilaatigut assit suliami saqqummiunneqartut isummerfigerusunngilai, taamatuttaarlu nakorsamit misissortissimanerluni eqqaamanngilaa. Nunatta eqqartuussisuuneqarfiata taamaattumik pisariaqartumik isumannaassusilimmik uppernarsarneqarsorinngilaa unnerluutigineqartup pinerlineqartoq arlaleriarlugu tilluarsimagaa.

Unnerluutigineqartoq pisimasumi 3-mi pinngitsuutinneqarpoq.

Kannguttaatsuliornerup qanoq ittuussusia malillugu pineqaatissiissut ulluni 40-ni inissi-isarfimmiittussanngortitsinertut aalajangersarneqarpoq. Unnerluutigineqartoq siusinnerusukkut pineqaatissinneqarsimanngilaq, aamma inuttut atugai pitsaapput. Tamanna piffissallu suliamik suliarinninnermut atorneqartup sivisunera, taassuma atugaanik pissuteqanngitsup, innersuussutigalugit pineqaatissiissut ataani aalajangerneqartutut utaqqisitanngortinneqarpoq.

Eqqartuussisoqarfiup pinerlineqartup mittatigineqarneq pillugu taarsiissutisiassaanik aalajangiussaa nunatta eqqartuussisuuneqarfiata isumaqatigaa.

Taama allannguuteqarluni nunatta eqqartuussisuuneqarfiata eqqartuussut aalajangersarpaa.

Eqqartuussisoqarfiup eqqartuussutaa aalajangersarneqarpoq, allannguutitulli unnerluutigineqartoq pisimasumi 3-mi pinngitsuutinneqarpoq utaqqisitamillu ulluni 40-ni inissiisarfimmiittussanngortitatut eqqartuunneqarluni, tamatumanilu ukiup ataatsip piffissatut misiliutaasup naanerani naammassineqarnera kinguartinneqassallunilu atuukkunnaarsinneqassaaq.

Suliap normua: K 254/23

Eqqartuussissutit nassuiaatillu (kingusinnerusukkut ikkutissaaq)