22 jan 2024
Nunatta Eqqartuussisuuneqarfia
Tillitanik atueqataasutut pinngitsuutinneqarpoq - K 259/23
Angut 25-nik ukiulik Sermersuup eqqartuussivianit eqqartuunneqarpoq qaammatini arfinilinni inissiisarfimmiittussanngortinneqassasoq, ilaatigut aallaammik tillitanik pisineq peqqutigalugu.
Eqqartuussissut Nunatta Eqqartuussisuuneqarfianit oqaatigineqarpoq ulloq 22. januar 2024
Uppernarsaatinik saqqummiussinerup kingorna nunatta eqqartuussisuuneqarfiata pisariaqartumik isumannaassusilimmik uppernarsarneqarsorinngilaa unnerluutigineqartoq tillitanik atueqataanermi pisuusoq. Nunatta eqqartuussisuuneqarfianut saqqummiunneqanngilaq qoorortooq atortulik immikkut ittumik nalilerujussuaq pineqartoq. Eqqartuussiviup tunngavigivaa piniartut pinialuttartullu qoorortuunik niueqatigiittarnerisa nalinginnaanera. Unnerluutigineqartup naluaa qoorortooq tillitaasoq, aamma qoorortuup tillitaanera pissutsit aalajangersimasut pissutigalugit paasisimasariaqarsinnaasimanngilaa.
Unnerluutigineqartup Kalaallit Nunaanni sakkut pillugit inatsimmik unioqqutitsisimasutut pisuutinneqarneranut eqqartuussisoqarfiup tunngavigilersuutaa nunatta eqqartuussisuuneqarfiata isumaqatigaa.
Eqqartuussisoqarfiup pineqaatissiissummik uuttuinera tunngavigilersuutaalu nunatta eqqartuussisuuneqarfiata isumaqatigai, kisianni unnerluutigineqartoq tillitanik atueqataasutut pinngitsuutinneqarmat tapiliutitut akiliisitsineq atuukkunnaarpoq.
Eqqartuussisoqarfiup eqqartuussutaa aalajangersarneqarpoq, allannguutitulli unnerluutigineqartoq tillitanik atueqataasutut (pisimasoq 3) 4.000 kr.-imillu tapiliutitut akiliisinneqartussatut pinngitsuutinneqarpoq.
Suliap normua: K 259/23
Eqqartuussissutit nassuiaatillu (kingusinnerukkut ikkutissaaq)