10 jan 2024
Nunatta Eqqartuussisuuneqarfia
Qaammatini 3-ni inissiisarfimmiittussanngortitsineq apparneqarpoq K 281/23
Angut inuusuttoq 20-nik ukiulik Sermersuup eqqartuussivianit qaammatini qulingiluani inissiisarfimmiittussanngorlugu eqqartuunneqarpoq. Pisimasuni arfineq-pingasuni tillinniarsimasutut ataasiarlunilu tillinniariarsimasutut. Unnerluutigineqartoq eqqartuussummi pisimasumi 7-imi pinngitsuutinneqarpoq.
Eqqartuussissut Nunatta Eqqartuussisuuneqarfianit oqaatigineqarpoq ulloq 10. januar 2024
Unnerluutigineqartoq eqqartuunneqarsimavoq pisimasuni arfineq-pingasuni tillinniarsimasutut ataasiarlunilu tillinniariarsimasutut. Unnerluutigineqartoq eqqartuussummi pisimasumi 7-imi pinngitsuutinneqarpoq.
Pineqaatissiissummik uuttuinermi inatsimmik unioqqutitsinerup peqqarniissusia aamma unnerluutigineqartup inuttut atugai, tassunga ilanngullugu inatsisinik unioqqutitseqqeqqunagu suut pisariaqarnerannik naatsorsuutigineqartut, innimigineqassapput.
Nunatta eqqartuussisuuneqarfiata isumaqatigisinnaavaa iserluni tillinniarneq, aamma arlallit isumaqatigiinnerisigut pisimasut iliuuserineqarsimanerat, sakkortusaataasut. Unnerluutigineqartup piffissami pinerluffiusumi ukiui siusinnerusukkullu pineqaatissinneqartussatut eqqartuunneqarsimannginnera eqqarsaatigalugit nunatta eqqartuussisuuneqarfia isumaqarpoq pineqaatissiissut sivikinnerusumik inissiisarfimmiittussanngortitsinertut aalajangersarneqartariaqartoq, aamma siusinnerusukkut massakkullu inuttut atugai pillugit ilisimatitsissutigineqartut malillugit inatsisinik unioqqutitseqqeqqunagu siunnersorneqarnikkut ilitsersorneqarnikkullu tapersersorneqarnissamik pisariaqartitsivoq. Eqqartuussiviup tamatuma saniatigut tunngavigivaa unnerluutigineqartup suliap suliarineqarnerani tigummigallarneqarsimanera.
Taamaattumik pineqaatissiissut pinerluttulerinermi inatsimmi § 144 naapertorlugu aala-jangersarneqarpoq qaammatini pingasuni inissiisarfimmiittussanngortitsinertut, tak. pinerluttulerinermi inatsimmi § 146, imm. 1, tak. § 102, tigummigallaanermi atugarineqarsimasutut isigineqartoq, tak. pinerluttulerinermi inatsimmi § 122, imm. 1, aamma ukiuni marlunni pinerluttunik isumaginnittoqarfimmit nakkutigineqarnertut.
Eqqartuussisoqarfiup eqqartuussutaa allanngortinneqarpoq pineqaatissiissutip qaammatini pingasuni inissiisarfimmiittussanngortitsinertut apparneratigut. Unnerluutigineqartoq tamatuma kingorna pinerluttunik isumaginnittoqarfimmit ukiuni marlunni nakkutigineqassaaq.
Suliap normua: K 281/23
Eqqartuussissutit nassuiaatillu (kingusinnerusukkut ikkutissaaq)