Gå til sidens indhold

Nunatta Eqqartuussisuuneqarfia

05 mai 2022

Nunatta Eqqartuussisuuneqarfia

Eqqartuussisoqarfiup eqqartuussutaa atuuttussanngortinneqarpoq - K 047/22

Arnaq 33-nik ukiulik eqqartuunneqarpoq ukiumi ataatsimi pineq. inissiisarfimmiittussanngortinneqarluni, aqqusinertigut angallannerup isumannaatsuunissaa salliutinnagu aammalu soqqusaatsumik pissuseqarluni biilinik ingerlatsigami, taamaalilluni pisuinnaq angut aporlugu toqukkut qimagutsillugu.

Eqqartuussissut Nunatta Eqqartuussisuuneqarfianit oqaatigineqarpoq ulloq 5. maj 2022.

Nunatta eqqartuussisuuneqarfiata oqaatigivaa, bilinspektørip nalunaarusiaa tunngavigineqarsinnaasoq, tassa unnerluutigineqartoq ingerlatsisimasoq sukkassuseqarluni 40 aamma 60 km/t piffissami ajutoornerup nalaani. Paasissutissanik pigisaqartoqanngilaq unnerluutigineqartup biilinik ingerlatsinermi nalaani aavata imigassamik aalakoornartulimmik promillea qanoq inissisimasimanersoq. Ilisimannittut nassuiaanerat naapertorlugu tunngavigineqarsinnaavoq, angut aqquserngup qeqqatigut pisussimasoq unnerluutigineqartumit aporneqarnermini.

Taamaattumik aamma eqqartuussisoqarfimmit oqaatigineqartut naapertorlugit, pineqaatissiissut aalajangersarneqarsimasoq naapertuuppoq, oqaatigineqassallunilu pineqaatissiissutigineqartup inissinneqarnissaani qallunaat nunaanni eqqartuussisarnermi periuserineqartartumut naleqqullugu pisarialimmik oqimaaqatigiissaarineq pisimammat.

Taamaattumik nunatta eqqartuussisuuneqarfiata eqqartuussisoqarfiup inerniliinera isumaqatigalugu eqqartuussisoqarfiup eqqartuussutaa atuuttussanngortippaa.

Eqqartuussisarnermik inatsimmi § 480, imm. 1 naapertorlugu eqqartuussivinni marluusuni suliami aningaasartuutit naalagaaffiup karsianit akilerneqassapput.

Eqqartuussisoqarfiup eqqartuussutaa atuuttussanngortinneqarpoq.

 

Suliap normua: K 047/22

Eqqartuussissutit nassuiaatillu