Eqqartuussisoqarfiup eqqartuussutaa allanngortinneqarpoq - K 051/22

Eqqartuussissut Nunatta Eqqartuussisuuneqarfianit oqaatigineqarpoq ulloq 17. maj 2022.

Unnerluutigineqartoq nassuiaavoq umiarsuarnik usingiaasuulluni. Ilinniagaqanngilaq aamma ilinniagaqarnissaminut ikiorneqarnissani kissaatiginngilaa. Ajunngilaq aamma napparsimanngilaq.

Unnerluutigineqartup nassuerutigivaa nalunaarut taanna allassimallugu unnerluutigineqaataani allassimasoq, nassuerneralu ikorfartuiffigineqarpoq suliami paasissutissat sinnerinit.

Nunatta eqqartuussisuuneqarfia isumaqarpoq nalunaarutip oqaasertaa ima ilungersunartigisutut nipaqartoq, pinerluttulerinermi inatsip §-iisa 98-iannut ilaatinneqarluni. Unnerluutigineqartup nassuiaanera naapertorlugu minnerpaamik akuersaarsimavaa nalunaarutip siooralersitsisinnaanera.

Nunatta eqqartuussisuuneqarfianit atuuttussanngortinneqarpoq, nalunaarut pinerluttulerinermi inatsip §-iisa 9-iannut atatinneqarsimassagaluartoq.

Nunatta eqqartuussisuuneqarfiata tamanna tunngavigalugu isumaqatigivaa, unnerluutigineqartoq pisuusoq unnerluussissummi allaaserineqarneratut.

Nalunaarutip oqaasertaatigut aamma nassiunneqarnerani pissutsit naapertorlugit nunatta eqqartuussisuuneqarfia isumaqarpoq, pineqaatissiissut naapertuuttumik aalajangersarneqarsinnaasoq ulluni 30-ni pineqaatissinneqarsimasunut inissiisarfimmiittussanngortinneqarnermik.

Eqqartuussisoqarfiup tunngavilersuutai tunngavigalugit nunatta eqqartuussisuuneqarfiata isumaqatigivaa, tunngavissaqanngitsoq pineqaatissiissutip utaqqisitanngortinneqarnissaa.

Taamatut allannguuserlugu nunatta eqqartuussisuuneqarfiata eqqartuussisoqarfiup eqqartuussutaa isumaqatigivaa.

Eqqartuussisoqarfiup eqqartuussutaa allanngortinneqarpoq imaalillugu, pineqaatissiissut appartinneqarluni ulluni 30-ni pineqaatissinneqarsimasunut inissiisarfimmiittussanngortinneqarnermik.

Suliap normua: K 051/22

Eqqartuussissutit nassuiaatillu