06 dec 2022
Nunatta Eqqartuussisuuneqarfia
Eqqartuussut atuuttussanngortinneqarpoq allannguuserlugu - K 184/22
Angut 22-nik ukiulik eqqartuunneqarpoq ukiumi 1-mi qaammatinilu 9-ni inissiisarfimmiittussanngortinneqarpoq, nakuuserluni imaluunniit nakuusernissamik sioorasaaraluni aappakuminut kinguaassiuutaatigut allatut pinngitsaalillugu atoqatigigamiuk, aammalu pinngitsaalillugu atoqatigeriarlugu.
Eqqartuussissut Nunatta Eqqartuussisuuneqarfianit oqaatigineqarpoq ulloq 6. december 2022.
Pineqaatissiissut pillugu
Unnerluutigineqartoq eqqartuussisoqarfimmit ilaatigut eqqartuunneqarpoq nakuusernikkut pinngitsaaliilluni kinguaassiutitigut allatut atoqatiginninnermut aappakuminut, tak. Pinerluttulerinermik inatsimmi § 77, imm. 1, nr. 1).
Aallaavittut pinerluut taamaattoq pineqaatissinneqarsimasunut inissiisarfimmiittussanngortitsissutaasarpoq. Nunattalu eqqartuussisuuneqarfiata aallaavittut periuserineqartartoq saneqqutissallugu tunngavissarsimanngilaq.
Politiit dagsbefalingiannit ilitsersuutaasumik sivisussusiliisarnermi takuneqarsinnaavoq suliani taamatut isikkulinni periusiusoq ukiumi ataatsimi pineqaatissinneqarsimasnut inissiisarfimmiittussanngortinneqartarneq. Sakkortusaatitut eqqartuussisut isumaqarfigivaat, unnerluutigineqartup qajannaarinnissimanermi saniatigut aamma qungasersiisimammat takussutissaqartumik iliuuserisani naammassiniarlugu. Sakkukillisaatitut eqqartuussisuneqarfiup pingaartippaa unnerluutigineqartup taama inuusutsiginera aamma siusinnerusukkut pineqaatissinneqarnikuunani.
Taamaattumik eqqartuussisuuneqarfik isumaqarpoq ukiumi ataatsimi aamma qaammatini pingasuni pineqaatissinneqarsimasunut inissiisarfimmiittussanngortinneqarneq pineqaatissiissutaasoq naapertuuttuusoq.
Mitagaanermut ajunngitsorsiassat pillugit
Nunatta eqqartuussisuuneqarfianit eqqartuussisoqarfiup mitagaaneq pillugu aalajangigaa atuuttussanngortinneqarpoq, tamanna periuseq malillugu aalajangigaammat.
Taarsiiffigeqqussutit piumasaqaatit pillugit
Nunatta eqqartuussisuuneqarfiata eqqartuussisoqarfiup aalajangigaa aamma tunngavilersuutaa isumaqatigivaa.
Eqqartuussisoqarfik Qaasuitsup eqqartuussutaa 28. juni 2022-meersoq atuuttussanngortinneqarpoq imatut allannguuserlugu, unnerluutigineqartoq eqqartuunneqarluni ukiumi ataatsimi aamma qaammatini pingasuni pineqaatissinneqarsimasunut inissiisarfimmiittussanngortinneqarluni.
Suliap normua: K 184/22
Eqqartuussissutit nassuiaatillu