Gå til sidens indhold

Nunatta Eqqartuussisuuneqarfia

12 dec 2022

Nunatta Eqqartuussisuuneqarfia

Qaammatini 4-ni pineq. inissiisarfimmiittussanngortinneqarluni - K 211/22

Angut 68-nik ukiulik eqqartuunneqarpoq qaammatini tallimani pineqaatissinneqarsimasunut inissiisarfimmiittussanngorlugu, peqqarniitsumik savimmik sakkoqarluni saassussinermut aamma qungasersiinermut inooqatigisaminut, tamatuma kingunerisaanik ajoquserlugu.

Eqqartuussissut Nunatta Eqqartuussisuuneqarfianit oqaatigineqarpoq ulloq 12. december 2022.

Unnerluutigineqartoq eqqartuussisoqarfimmit eqqartuunneqarpoq qaammatini sisamani pineqaatissinneqarsimasunut inissiisarfimmiittussanngortinneqarluni peqqarniitsumik savimmik sakkoqarluni saassussinermut aamma qungasersiinermut inooqatigisaminut, tamatuma kingunerisaanik ajoquserlugu. Tamatuma saniatigut siusinnerusukkut eqqartuunneqarnikuuvoq nakuusernermut oqaatigineqartut naapertorlugit inummut pineqartumut tassunga.

Suliami pineqartutut nakuuserneq periusilik eqqartuussisoqarfiup oqatigisaatut utaqqisitaanngitsumik pineqaatissinneqarsimasunut inissiisarfimmiittussanngortitsissutaasarpoq.

Pinerluut ukiut sisamat matuma siornatigut piliarineqarsimavoq, paasissutissiisoqanngilarlu unnerluutigineqartup taama sivisutigisumik suliap suliarineqarnera unnerluutigineqartup pisuussutigineraa. Maannakkut inuttut atugarisai atugaasalu sinneri tunngavigalugit aamma isiginiarlugit, eqqartuussisuuneqarfik isumaqarpoq immikkut ittumik illersorneqarsinnaasoq pineqaatissiissutissatut isivisussusiliineq utaqqisitanngortinneqarsinnaasoq ukiunik pingasunik misiligaaffilikkami, tak. Pinerluttulerinermik inatsimmi § 88, uniffik siulleq., tak. § 129, imm. 1 aamma 2.

Eqqartuussisoqarfiup eqqartuussutaa atuuttussanngortinneqarpoq arsaarinnissummut atatillugu.

Unnerluutigineqartoq eqqartuunneqarpoq qaammatini sisamani pineqaatissinneqarsimasunut inissiisarfimmiittussanngortinneqarluni. Pineqaatissiissutip naammassineqarnissaa kinguartinneqarpoq atorunnaassallunilu ukiut pingasut misiligaaffioreerpata.

Eqqartuussisoqarfiup arsaarinnissuteqartoqarnissaanut atatillugu eqqartuussutaa atuuttussanngortinneqarpoq.

 

Suliap normua: K 211/22

Eqqartuussissitit nassuiaatillu