25 nov 2022
Nunatta Eqqartuussisuuneqarfia
Qeqqata eqqartuussutaa atuuttussanngortinneqarpoq - K 250/22
Angut 34-nik ukiulik eqqartuunneqarpoq qaammatini 5-ni inissiisarfimmiitsinneqassasoq, angutip 14-nik ukioqartoq nukappiaraq inuusoq 16. september 2007, angutip assani nukappiaqqap usuata nalaanut inissikkamiuk atisaata silataatigut, tassani kanngutsaatsuliorfigigamiuk.
Eqqartuussissut Nunatta Eqqartuussisuuneqarfianit oqaatigineqarpoq ulloq 25. november 2022.
Nunatta eqqartuussisuuneqarfianut uppernarsaasiisoqareerneratigut aamma eqqartuussisoqarfiup tunngavilersuutai tunngavigalugit unnerluutigineqartoq pisuutinneqarpoq unnerluussissut naapertorlugu.
Nunatta eqqartuussisuuneqarfiata maluginiarpaa nukappiaqqap pineqartup uppernartumik nassuiaanera aammalu ussersornermigut qularunnaarsitsivoq, unnerluutigineqartumit atisami qaavisigut usua pinnguarineqarsimasoq.
Unnerluutigineqartup pisimasut misiligaafiup ingerlanerani piliarivai. Taamaalilluni nunatta eqqartuussisuuneqarfiata eqqartuussisoqarfiup ataatsimoortitamik pineqaatissiissutaa aamma ataatsimut pineqaatissiissutp sivissussusilerneqarnera isumaqatigivaa.
Eqqartuussisullu siulittaasuata inaarutaasumik isumaqatigivaa mitagaanermut ajunngitsorsiassatut aalajangigaq, taannalu periuseq malillugu aalajangerneqarsimavoq.
Qeqqata Eqqartuussisoqarfiata eqqartuussutaa 20. september 2022-meersoq atuuttussanngortinneqarpoq.
Suliap normua: K 250/22
Eqqartuussissutit nassuiaatillu