Gå til sidens indhold

Nunatta Eqqartuussisuuneqarfia

16 feb 2022

Nunatta Eqqartuussisuuneqarfia

Angallannermi isumannaatsuutitsinissamik qaangiinnaagaaneq - K 155/21

Eqqartuussisoqarfiup eqqartuussutaa atuuttussanngortinneqarpoq ima allanngiiserlugu, unnerluutigineqartoq aamma motorilinnik ingerlatsisinnaanermut allagartaminik utaqqisitamik piumasaqaasikkamik arsaarneqassasoq.

Eqqartuussissut Nunatta Eqqartuussisuuneqarfianit oqaatigineqarpoq ulloq 6. juli 2021.

Unnerluutigineqartoq eqqartuussisuuneqarfimmi aqqusinertigut angallannermi isumannaatsuutitsinissamik ulloq 9. september 2020 qaangiinnaangaatsiarsimasutut pisuutinneqarpoq, nioqqutissanik angallatsissut biilinut unittarfimmiit Maniitsumi Ivissuaateralaani nunataminermit tunumoortissimallugu, kipuminiit angallattunut tunuarsimasussaatitaanini malinnagu. Taamaalilluni biili aporlugu, angallannermilu ajutoorneq pigisanik ajoqusiinermik malitseqartoq pilersillugu. Pisuunermut apeqqut eqqartuussisuuneqarfimmut suliareqqitassanngortinneqanngilaq.

Eqqartuussisuunerit eqqartuussisoqarfik isumaqatigaat, periuseq aalajangersimasoq malillugu piliarisimasaq pillugu 1.000 koruuninik akiligassiisoqassasoq.

Unnerluutigineqartoq aqqusinertigut angallannermi isumannaatsuutitsinissamik qaangiinnaangaatsiarsimasutut tunuarsimasussaatitaanerminillu malinnissimanngitsutut pisuutinneqarami, biilimillu allamik ajoqusiigami, unnerluutigineqartoq utaqqisitamik motorilinnik ingerlatsisinnaanermut allagartaminik arsaarneqassaaq, aqqusinertigut angallannermi inatsimmi § 59, imm. 1, no. 1 najoqq.

 

Suliap normua: K 155/21

Eqqartuussissutit nassuiaatillu