29 mar 2022
Nunatta Eqqartuussisuuneqarfia
Qaammatini 3-ni pineq. inissiisarfianiittussanngortitaaneq - K 106/21
Angut 50-nik ukiulik eqqartuussivimmi pisuutinneqarpoq marloriarluni nakuusersimanerminut, pinerlineqartumut ajoqusiinerit annertuut aappaanilu toqqusassiineq.
Eqqartuussissut Nunatta Eqqartuussisuuneqarfianit oqaatigineqarpoq ulloq 3. juni 2021.
Aamma nunatta eqqartuussisuuneqarfianut uppernarsaasiisoqareerneratigut, nunatta eqqartuussisuuneqarfiata isumaqatigivai tunngavilersuutit eqqartuussisoqarfimmit oqaatigineqarsimasut, tassa unnerluutigineqartoq pisuusoq unioqqutitsinmut pinerluttulerinermi inatsimmi § 88 pisimasuni 1 aamma 2-mi eqqartuussisoqarfiup annertussusiannik oqaatiginninneratut.
Pinerluutigineqartup pissusianik aamma annertussusianik ataatsimut nalilersuereernermi, tassunga ilanngunneqarlutik ajoqusiinerit annertuut, pisimasoq 1-mi arnap pineqartup nakuuserfiginerata kingunerisai, aamma pisimasoq 2-mi nakuusernerup ilagimmagu toqqusassiineq, nunatta eqqartuussisuuneqarfiata qaffaavigivaa – naak unnerluutigineqartoq pitsaasumik inuttut atugaqaraluartoq – pineqaatissiissut sivisussusilerneqarpoq qaammatinut pingasunut, inatsisinik unioqqutitsinerup peqqarniissusia isiginiarneqarluni tamanna utaqqisitanngortinneqarsinnaanngimmat.
Nunatta eqqartuussisuuneqarfianit isumaqatigineqarpoq eqqartuussisoqarfiup aalajangigaa ajoquserneqarnikkut anniaateqarnermi ajunngitsorsiassanut atatillugu.
Nunatta eqqartuussisuuneqarfiata eqqartuussisoqarfiup eqqartuussutaa atuuttussanngortippaa imatut allannguuserlugu, pineqaatissiissutip sivisussusilerneqarnera qaffanneqarpoq qaammatini pingasuni pineqaatissinneqarsimasunut inissiisarfimmiittussanngortinneqarnermik.
Suliap normua: K 106/21