Ulluni 90-ini inissiisarfimmiittussanngortinneqarpoq - K 040/21

Eqqartuussissut Nunatta Eqqartuussisuuneqarfianit oqaatigineqarpoq ulloq 18. maj 2021.

Nukappiaqqap pineqartup nassuiaateqareerneratigut sanilliunneqarlutik nukappiaqqap ajoquserneri nassaarineqarsimasut, nunatta eqqartuussisuuneqarfiata tunngavigivaa, unnerluutigineqartup nukappiaqqap qingaatigut sakkortuumik tiguneratigut qingaata qaavatigut tilluusaqalersissimagaa, nukappiaraq ajassimallugu, taamaalilluni nukappiaqqap iigaq cementeq eqqorsimallugu, tamatuma kingunerisaanik niaqqumi avaavatigut pullanneqalerluni tilluusaqalerlunilu. Naak unnerluutigineqartup siunertarisimagaa nukappiaqqap niaqqumi avaavanik iigaq centiusoq eqqussagaa, tunngavigineqarpoq unnerluutigineqartup paasisimassagaa aamma akuersaarsimassagaa nukappiaqqap iigaq cementiusoq niaqqumi avaavanik eqqorsinnaassagaa.

Nunatta eqqartuussisuuneqarfiata eqqartuussisoqarfiup pineqaatissiissummik sivisussusiliinera isumaqatigivaa – taamaatoq imaalillugu, sivisussusiliineq qaammatinik sivisutigissasoq – tak. pinerluttulerinermi inatsimmi § 88 aamma § 146, imm. 1, aamma pineqaatissiissut aalajangersarneqarpoq ataatsimoortitamik pineqaatissiissutitut, tassani ilanngunneqarmat Eqqartuussisoqarfik Sermersuup eqqartuussutaa ulloq 19. februar 2019, tak. pinerluttulerinermi inatsimmi § 130, imm. 1.

Nunatta eqqartuussisuuneqarfiata eqqartuussisoqarfik assigalugu pingaartippaa, pisimasoq piliarineqarsimammat assingusumik pinerluuteqarnermi misiligaaffiup iluani pisimammalluni aamma meeqqamut piliarineqarsimammat.

Tunngavilersuutit taakkua tunngavilersuutigalugit nunatta eqqartuussisuuneqarfiata tunngavissaqartinngilaa pineqaatissiissutip utaqqisitanngortinneqarnissaa.

Unnerluutigineqartop eqqartuunneqarpoq qaammatini pingasuni pineqaatissinneqarsimasunut inissiisarfimmiittussanngortinneqarluni.

Suliap normua: K 040/21

Eqqartuussissutit nassuiaatillu