29 jun 2022
Nunatta Eqqartuussisuuneqarfia
Meeqqanik atornerluinermi assinik siaruarterineq - K 096/21
Angut 34-nik ukiulik Qeqqata eqqartuussiviani eqqartuunneqarpoq qaammatini arfineq marlunni pineqaatissinneqarsimsunut inissiisarfimmiittussanngorlugu, assinik pornografiit meeqqanut tunngasut 18.482 amerlassusillit tigumiarsimagai aammalu 5.036 filmilianik tigulaakkat.
Eqqartuussissut Nunatta Eqqartuussisuuneqarfianit oqaatigineqarpoq ulloq 12. maj 2021.
Unnerluutigineqartoq eqqartuussisoqarfimmit eqqartuunneqarpoq piffissami 16. – 30. september 2019-imi assinik pornografiskiusunik 217-nik aamma filminik tigulaakkanik 756-nik pornografiskinik meeqqanut tunngasunik siammarterisimasutut. Taakkunannga assit 117-it kategori 2-jullutik aamma assit 10-t kategori 3-iullutik. Filmilianit tigulaakkat 604-t kategori 2-jullutik aamma 26-it kategori 3-jullutik.
Taamatullu aamma eqqartuunneqarpoq piffissami 4. november 2020-ip tungaanut pornografiit meeqqanut tunngasut assit 5.036-it aamma filimilianit tigulaakkat tigumiarsimallugit. Pornografiini meeqqanut tunngasuni assit 6.959-it kategori 1-jullutik aamma 163-it kategori 3-jullutik. Pornografiini meeqqanut tunngasuni filmilianit tigulaakkani 4.031-t kategori 2-jullutik aamma 119-t kategori 3-jullutik.
Pisuunermut apeqqut nunatta eqqartuussisuuneqarfianut suliareqqitassanngortinneqarnikuunngilaq.
Unnerluutigineqartup asserpassuit aamma filmilianik tigulaakkat tigumiarsimasai aamma siaruartersimasai aamma taakkua pornografiit meeqqanut tunngasut peqqarniissusiat isiginiarneqarluni, sanilliunneqarluni siusinnerusukkut meeqqanik kinguaassiutitigut eqqunngitsuliorfiginninneq pillugu eqqartuussaasareersimammat, nunatta eqqartuussisuuneqarfiata pineqaatissiissut aalajangersarpaa qaammatini qulini pineqaatissinneqarsimasunut inissiisarfimmiittussanngortinneqarnermik.
Unnerluutigineqartoq eqqartuunneqarpoq qaammatini qulini pineqaatissinneqarsimasunut inissiisarfimmiittussanngortinneqarluni.
Suliap normua: K 096/21
Eqqartuussissutit nassuiaatillu