25 mar 2022
Nunatta Eqqartuussisuuneqarfia
Atoqateqarluni pinngitsuutinneqarpoq - K 032/21
Arnaq 39-nik ukiulik eqqartuussivimmi pinngitsuutinneqarpoq, unnerluussut pinerluttunik isumaginnittoqarfimmi inummik pinerluttunik isumaginnittoqarfiup suliffiutaani inissinneqarsimasumik atoqatiginnikkami. Unnerluussisussaatitaasunit piumasaqaatigineqarpoq eqqartuunneqassasoq.
Eqqartuussissut Nunatta Eqqartuussisuuneqarfianit oqaatigineqarpoq ulloq 18. maj 2021.
Pinerluttulerinermi inatsimmi § 78, stk. 3, nr. 1), malillugu kinguaassiutitigut atornerluinermi, pinerluttunik isumaginnittoqarfimmi sulisoq inummik pinerluttunik isumaginnittoqarfiup suliffiutaani inissinneqarsimasumik atoqatiginnittoq imaluunniit allatut kinguaassiutitigut atoqatiginnittoq eqqartuunneqassaaq, pineqartup pisortatigut isumagisassanngortinneqarsimasumut.
Naak uppernarsaasiisoqareerneratigut, ilanngunneqarlutik nassuiaatigineqartut unnerluutigineqartumit aamma angummik pineqartumit, tunngavigineqartariaqarpoq, atassuteqaqatigiinneq pisarsimagaluartoqsoq, nalinginnaasumiit annertunerusumik pinerluttunik isumaginnittoqarfimmi sulisumit aamma inissinneqarsimasup akornanni, eqqartuussisuuneqarfik isumaqarpoq unnerluutigineqartup pisuunnginnerarneratigut – taamaallaallu angutip nassuiaaneratigut paasissutissat unnerluutigineqartup oqarasuaataaniit aamma oqarasuaatip normoqartup 25 69 58 piffissami 26.-ianiit 30. april 2019 -ip tungaanut pisarialimmik eqqartuussaasutigineqarsinnaasumik uppernarsineqanngitsoq atoqatigiinneq imaluunniit allatut kinguaassiutitigut atoqatigiittarneq unnerluutigineqartup aamma angutip akornanni pisarsimanera.
Taamatut uparuaatitalerlugu nunatta eqqartuussisuuneqarfiata isumaqatigivaa unnerluutigineqartup pinngitsuutinneqarnera aamma eqqartuussisoqarfiup eqqartuussutaa atuuttussanngortillugu.
Suliap normua: K 032/21