21 jan 2022
Nunatta Eqqartuussisuuneqarfia
Ukiut pingasut affarlu Pineq. Inissiisarfimmiittussanngorneq - K 046/21
Angut 41-nik ukiulik pisuutinneqarpoq, ukiut pingasut affarlu Pineqaatinneqarsimasut Inissiisarfimmiittussanngortinneqarluni, ilaatigut soralussaminut 15-it inorlugit ukiulimmik kinguaassiuutaatigut atoqatiginninneq pillugu piffissami 1994-2007-mi.
Eqqartuussissut Nunatta Eqqartuussisuuneqarfianit oqaatigineqarpoq ulloq 8. marts 2021.
Isiginiarneqarlutik kinguaassiutitigut pinerluutigineqartut annertussusiat aamma isikkua unnerluutigineqartup pisuutitaaffigisaani, pineqaatissiissut pineqaatissinneqarsimasunut inissiisarfimmiittussanngortinneqarneq aalajangersarneqarpoq ukiunut pingasunut aamma qaammatinut arfinilinnut. Nunatta eqqartuussisuuneqarfiata pingaartumik pingaartissimavaa, unnerluutigineqartoq pisimasoq 1-mi pisuutinneqarmat piffissami arlaleriarluni pinngitsaaliisimanera, unnerluutigineqartoq 15-25-inik ukioqarluni pinerlisarlu 8-18-inik ukioqartoq, tassanilu tunngavigineqartariaqarluni pinngitsaaliinerni amerlanerpaatigut ukioqqortunerunini, timikkut aamma tarnikkut nukittunerunini atornerluttarsimammagit.
Taamaattumik eqqartuussisoqarfiup eqqartuussuta allanngortinneqarpoq imaalillugu, pineqaatissiissutigineqartoq eqqartuussutigineqartoq qaffanneqarluni ukiuni pingasuni aamma qaammatini arfilinni pineqaatissinneqarsimasunut inissiisarfimmiittussanngortinneqarnermik.
Inatsisinik unioqqutitsinerup peqqarniissusia isiginiarneqarluni tunngavissaqanngilaq pineqaatissiissutip utaqqisitanngortinneqarnissaanut.
Mitagaanermi ajunngitsorsiassat
Nunatta eqqartuussisuuneqarfia eqqartuussisoqarfiup mitagaanermi ajunngitsorsiassanik annertussusiliinera isumaqatigivaa.
Nunatta eqqartuussisuuneqarfiata arnamut pineqartumut mitagaaneranut ajunngitsorsiassat pillugit pingaartissimavaa, ilaatigut pineqarmat, meeraq inerfigalugu pinngitsaaliineq.
Nunatta eqqartuussisuuneqarfiata arnamut pineqartumut allamut mitagaaneranut ajunngitsorsiassat pillugit pingaartissimavaa, unnerluutigineqartup inussani utsuinut mangussimagaa inussanilu aalatissimallugu taamanikkut minutsialunnit sivisunerusumik.
Eqqartuussisoqarfiup eqqartuussutaa allanngortinneqarpoq imaalillugu, pineqaatissiissut eqqartuussutaasoq qaffanneqarluni ukiuni pingasuni aamma qaammatini arfilinni pineqaatissinneqarsimasunut inissiisarfimmiittussanngortinneqarluni.
Eqqartuussisoqarfiup mitagaanermut ajunngitsorsiassanik aalajangiinera atuuttussanngortinneqarpoq.
Mitagaanermi ajunngitsorsiat aningaasartaat ernialersorneqassapput taarsiissuteqarnissamut akisussaassuseqarnermik inatsimmi § 16 tunngavigalugu.
Suliap normua: K 046/21
Eqqartuussissutit nassuiaatillu