18 jan 2022
Nunatta Eqqartuussisuuneqarfia
Inissiisarfimmut inissinneqarneq ulluni 60-ini - K 144/20
Angutit inuusuttut sisamat Eqqartuussivik Sermersuumit nakuusersimanermut pinngitsuutinneqarput. Unnerluussisussaatitaasup suliaq suliareqqitassanngortippaa piumasaqaatigalugu unnerluussat Eqqartuussiviup unnerluussissutaa malillugu pisuutinneqarlutik eqqartuunneqassasut.
Eqqartuussissut Nunatta Eqqartuussisuuneqarfianit oqaatigineqarpoq ulloq 1. februar 2021.
Angutit marluk nassuiaataasigut eqqartuussisuuneqarfiup ilanngullugu uppernarsineqartutut isigaa, unnerluussaq nakuusernermut peqataasimasoq angut pineqartoq tillukkamiuk, aammalu unnerluussissummi naqqiuteqarfigineqarsimasumi pisuusoq.
Suliani taamatut ittuni aallaaviusarpoq utaqqisitaanngitsumik inissiisarfimmut inissinneqarneq ullut 60-it missaannik sivisussuseqartumik, nakuuserneq inuiit arlalinnit peqatigiilluni piliarineqarsimappat.
Inatsinik unioqqutitsineq pisimavoq 2018-ip naanerani, piffissarlu taama sivisutigisoq atorlugu suliap suliarineqarneranut annikinnerusumik unnerluussaq pisuussuteqarpoq. Taama sivisutigisumik suliap suliarineqarnera pillugu eqqartuussisuuneqarfik aalajangerpoq annikilliliisoqartariaqartoq tamatuma kinguneranik pineqaatissiissullu utaqqisitassanngortillugu piffissami misiligaaffiusumi ukiunik marlunnik sivisussuseqartumik.
Unnerluussaq eqqartuunneqarpoq inissiisarfimmut inissinneqarnermik ulluni 60-ini. Pineqaatissiissutip naammassitinneqarnissaa kinguartinneqarpoq atorunnaassallunilu piffissaq misiliiffiusoq ukiunik marlunnik sivisussuseqartoq qaangiuppat, piffissap misiliiffiusup iluani inatsisinik unioqqutitseqqinngippat.
Suliap normua: K 144/20