Gå til sidens indhold

Nunatta Eqqartuussisuuneqarfia

28 okt 2021

Nunatta Eqqartuussisuuneqarfia

Inuiaqatigiinni sulisitaanissamik pineqaatissinneqarpoq - K 235/21

Angut 29-nik ukiulik Sermersuup eqq. eqqartuunneqarpoq ulluni 30-ni inissiisarfimmiittussanngorlugu, arnaq kiinaatigut anaagamiuk, taamaalilluni kiinaatigut kilerlugu pullaneqalersillugulu. Nunatta eqq. pineqaatissiissut allanngortippaa akunneri 40-t inuiaqatigiinni sulisitaanissamik.

Eqqartuussissut Nunatta Eqqartuussisuuneqarfianit oqaatigineqarpoq ulloq 28. oktober 2021. 

Unnerluutigineqartoq eqqartuunneqarpoq pinerluttulerinermi inatsimmi § 88 naapertorlugu, aapparisimasani kiinnatigut ataasiarlugu tillussimallugu. Kasutsinnerata kingunerivaa isimi qulaatigut kilernera, taannalu stripsit atorlugit passunneqarsimavoq. 

Unnerluutigineqartoq siusinnerusukkut pineqaatissinneqarluni eqqartuunneqarnikuunngimmat, kasutsinerlu taamaallat annikitsuinnarmik ajoquserfiulluni, eqqartuussisuuneqarfik isumaqarpoq naapertuuttuusoq nalunaaquttap akunneri 40-t inuiaqatigiinni sulisitaanissamik pineqaatissiissuteqarnissaq, tamannalu naammassineqarsimassalluni sivisunerpaaffiliussap qaammatit arfinillit iluanni, tak. Pinerluttulerinermi inatsimmi § 141, stk. 1, aamma pinerluttunik isumaginnittoqarfimmit nakkutigineqassaaq ukiumi ataatsimi, tak. Pinerluttulerinermi inatsimmi § 141, imm. 2.

Taamaattumik nunatta eqqartuussisuuneqarfiata eqqartuussisoqarfiup aalajangiinera allanngortippaa.

Unnerluutigineqartoq eqqartuunneqarpoq nalunaaquttap akunneri 40-t inuiaqatigiinni sulisitaanissamik pineqaatissinneqarpoq, tamannalu naammassineqarsimassalluni sivisunerpaaffiliussap qaammatit arfinillit iluanni, aamma pinerluttunik isumaginnittoqarfimmit nakkutigineqassaaq ukiumi ataatsimi.

 

Suliap normua: K 235/21

Eqqartuussissutit nassuiaatillu