Gå til sidens indhold

Nunatta Eqqartuussisuuneqarfia

21 feb 2022

Nunatta Eqqartuussisuuneqarfia

Nakuuserneq - K 200/21

Angut 32-nik ukiulik Serm. Eqqart. eqqartuunneqarpoq qaammatini arfinilinni pineqaatissinneqarsimasunut inissiisarfimmiittussanngortillugu, inooqatigisani nakuuserfigisimagamiuk. Nunatta Eqqartuussisuuneqarfiata pineqaatissuussut allanngortippaa nal. akunnerini 50-ni inuiaqatigiinni sulisitaanermik.

Eqqartuussissut Nunatta Eqqartuussisuuneqarfianit oqaatigineqarpoq ulloq 7. oktober 2021.  

Unnerluutigineqartoq pisuutinneqarpoq unioqqutitsinermut pinerluttulerinermi inatsimmi § 88, tassa aappani natermut igissimallugu, kiinaatigut tutisimallugu aamma uppataatigut annersarsimallugu. Nakuuserneq piliarineqarpoq august 2019-mi, nunatta eqqartuussisuuneqarfianut paasissutissiissutigineqanngilaq piffissaq suliap suliarineqarneranut atorneqartoq unnerluutigineqartup pisuussutigineraa.

Pineqaatissiissut aalajangersarneqarpoq nalunaaquttap akunneri 50-it inuiaqatigiinni sulisitaanermik qaammatinik arfinilinnik sivisunerpaaffiligaq aamma ukiumi ataatsimi nakkutigineqarnissaq tak. Pinerluttulerinermi inatsimmi § 140, tak. § 88, tak. § 123, imm. 1, nr. 3.

Nunatta eqqartuussisuuneqarfianit pineqaatissiissutip aalajangersarneqarani pingaartinneqarpoq nakuusernerup ajoqusiinerullu annikitsuinnaanerat, aamma pisimasoq piliarineqarsimavoq annertuummik tarnikkut aalassassimanermi kiisalu aamma piffissap suliap suliarineqarsimanerani atorneqarsimasup sivisussusia.

Unnerluutigineqartoq eqqartuunneqarpoq nalunaaquttap akunneri 50-it inuiaqatigiinni sulisitaanermik qaammatinik arfinilinnik sivisunerpaaffiligaq aamma ukiumi ataatsimi nakkutigineqarnissamik.

 

Suliap normua: K 200/21

Eqqartuussissutit nassuiaatillu